അനിൽ ജോസഫ്
നെയ്യാറ്റിന്കര: നെയ്യാറ്റിന്കര രൂപതാ വൈദികനും സാമൂഹ്യസേവന രംഗത്ത് മികച്ച സേവനം കാഴ്ച വെയ്ക്കുകയും ചെയ്ത മോണ്.എ.ജയിംസിന്റെ ജീവിതം പശ്ചാത്തലമാക്കി തയ്യാറാക്കിയ “വക്കീലച്ചന്റെ ധന്യജീവിതം” പുറത്തിറങ്ങി. നെയ്യാറ്റിന്കര വ്ളാങ്ങാമുറി ലോഗോസ് പാസ്റ്ററല് സെന്റെറില് നെയ്യാറ്റിന്കര ബിഷപ്പ് ഡോ.വിന്സെന്റ് സാമുവല് പുനലൂര് രൂപത ബിഷപ്പ് ഡോ.സെല്വിസ്റ്റര് പൊന്നുമുത്തന് കോപ്പി കൈമാറിയാണ് പുസ്തകം പ്രകാശനം ചെയ്തത്.
തിരുവനന്തപുരം, നെയ്യാറ്റിന്കര രൂപതകളില് സേവനം അനുഷ്ടിച്ച മോണ്.എ.ജയിംസ് നെയ്യാറ്റിന്കരയിലെ മരിയാപുരത്താണ് ജനിച്ചത്. തിരുവനന്തപുരം രൂപതയില് രൂപതാ കോടതിയില് ജഡ്ജും ജൂഡിഷ്യല് വികാരിയുമായി സേവനമനുഷ്ടിച്ചു. നെയ്യാറ്റിന്കര രൂപത സ്ഥാപിതമായതിന് ശേഷം രൂപതയുടെ ജുഡിഷ്യല് വികാർ, കോര്പ്പറേറ്റ് മാനേജന്, തുടങ്ങി വിവിധ സ്ഥാനങ്ങളില് പ്രവര്ത്തിച്ചു.
ആലുവ പൊന്തിഫിക്കല് സെമിനാരിയില് തത്വശാസ്ത്ര മേധാവിയായി സേവനമനുഷ്ടിച്ച കാലത്തെ അച്ചന്റെ പ്രമുഖരായ ശിഷ്യരാണ് കര്ദിനാള് ക്ലിമിസ് കാതോലിക്കാ ബാവ, ബിഷപ്പ് ഡോ.സെല്വിസ്റ്റര് പൊന്നുമുത്തന്, ബിഷപ് സെബാസ്റ്റ്യന് തെക്കതേച്ചേരില്, ബിഷപ് ജോസഫ് പെരുന്തോട്ടം, ബിഷപ്പ് പോള് ആന്റണി മുല്ലശ്ശേരി, ബിഷപ്പ് ജയിംസ് ആനാപറമ്പില് തുടങ്ങിയവര്.
നെയ്യാറ്റിന്കര രൂപതയിലെ ഇമ്മാനുവല് കോളേജും, പാവപ്പെട്ട ആണ്കുട്ടികള്ക്കായി വെളളനാടിലെ നവജീവന് ഹോംമും അച്ചന്റെ ദീര്ഘവീക്ഷണത്തിന്റെ ഉദാഹരണങ്ങളാണ്. മോണ്.എ.ജയിംസിന്റെ സേവനങ്ങളുടെ അംഗീകരാമായി 2005 ല് ” പ്രിലേറ്റ് ഓഫ് ഓണര്” ബഹുമതി നല്കി പോപ്പ് ജോണ് പോൾ രണ്ടാമനും (വിശുദ്ധ ജോൺ പോൾ രണ്ടാമൻ) ആദരിച്ചു.
പി.ദേവദാസാണ് പുസ്തകം രചിച്ചത്. ചടങ്ങില് മോണ്.ജി.ക്രിസ്തുദാസ്, ഫാ.ജോയിസാബു, ആറ്റുപുറം നേശന്, ഡി.രാജു, ജോജി ടെന്നിസണ്, ബേബി തോമസ് തുടങ്ങിയവര് പങ്കെടുത്തു.
അനില് ജോസഫ് ഫ്രാന്സിസ് ടൗണ് : സതേണ് ആഫ്രിക്കയിലെ ബോട്സ്വാനയിലെ ഫ്രാന്സിസ്ടൗണ് കത്തോലിക്കാ രൂപതയിലെ ബിഷപ്പ് ആന്റണി പാസ്കല് റെബെല്ലോ…
പെസഹാ കാലം ആറാം ഞായർ "പിതാവ് എന്നെ സ്നേഹിച്ചതു പോലെ ഞാനും നിങ്ങളെ സ്നേഹിച്ചു. നിങ്ങൾ എന്റെ സ്നേഹത്തിൽ നിലനിൽക്കുവിൻ"…
സ്വന്തം ലേഖകന് റോം : ഇന്നലെ വൈകുന്നേരം 4 മണിക്ക് റോമിലെ ബസിലിക്ക ഓഫ് ഹോളി ക്രോസിലേക്കുള്ള അവന്യൂവില്…
സ്വന്തം ലേഖകന് വത്തിക്കാന് സിറ്റി : അഗ്ളിക്കന് ബിഷപ്പ് ജസ്റ്റിന് വെല്വിയുമായി ഫ്രാന്സിസ് പാപ്പ കൂടികാഴ്ച നടത്തി. നമ്മെ ഒരിക്കലും…
സ്വന്തം ലേഖകന് വത്തിക്കാന് സിറ്റി : ആഗോള പ്രാര്ത്ഥനാ ശൃംഖല വഴിയായി ഫ്രാന്സിസ് പാപ്പായുടെ മെയ് മാസത്തേക്കുള്ള പ്രാര്ത്ഥനാനിയോഗം അടങ്ങിയ…
അനില് ജോസഫ് വത്തിക്കാന് സിറ്റി : മാതാവിന്റെ വണക്കമാസത്തില് വത്തിക്കാന് ഗാര്ഡനിലേക്ക് തീര്ഥാടകര്ക്ക് സ്വാഗതം. വത്തിക്കാന് ഗാര്ഡനിലെ ലൂര്ദ്ദ്…
This website uses cookies.