അനിൽ ജോസഫ്‌

നെയ്യാറ്റിന്‍കര: പൗരത്വ ബില്ലിനെതിരെ നിശബ്ദതയുടെ മറനീക്കി മുസ്ലീം സമൂഹത്തിനു പിന്തുണയുമായി മുന്നോട്ട് വന്നത് ലത്തീന്‍ സമുദായമെന്ന് പ്രതിപക്ഷ ഉപനേതാവ് ഡോ.എം.കെ.മുനീര്‍. പൗരത്വ ബില്ലിനെതിരെ കേന്ദ്രമന്ത്രിയോട് പ്രതിഷേധമുയര്‍ത്തിയത് ആര്‍ച്ച് ബിഷപ്പ്‌ ഡോ.എം.സൂസപാക്യമായിരുന്നെന്നും അദ്ദേഹം കൂട്ടിര്‍ത്തു. കേരളാ റീജന്‍ ലാറ്റിന്‍കാത്തലിക് കൗണ്‍സില്‍ ജനറല്‍ കൗണ്‍സില്‍ നെയ്യാറ്റിന്‍കര ലോഗോസ് പാസ്റ്ററല്‍ സെന്‍ററില്‍ ഉദ്ഘാടനം ചെയ്യുകയായിരുന്നു അദ്ദേഹം.

സവര്‍ണ്ണ വരേണ്യ വര്‍ഗ്ഗത്തിന്റെ രാജ്യമാക്കി ഇന്ത്യയെ മാറ്റുകയും ഭരണഘടനയെ തകര്‍ക്കുകയുമാണ് ലക്ഷ്യം. മതസൗഹാര്‍ദ്ദത്തിന്‍റെ കടക്കല്‍ കത്തിവക്കാന്‍ ശ്രമിച്ചാല്‍ ഒരുമിച്ച് പോരാടണമെന്നും അദ്ദേഹം പറഞ്ഞു.

കെആര്‍എല്‍സിസി പ്രസിഡന്റ്‌ ബിഷപ്പ്‌ ഡോ.ജോസഫ് കരിയില്‍ അധ്യക്ഷത വഹിച്ച പരിപാടിയില്‍ തിരുവനന്തപുരം ആര്‍ച്ച് ബിഷപ് ഡോ.എം സൂസപാക്യം, വരാപ്പുഴ ആര്‍ച്ച് ബിഷപ് ഡോ.ജോസഫ് കളത്തിപറമ്പില്‍, കെആര്‍എല്‍സിസി വൈസ് പ്രസിഡന്‍റ് ബിഷപ്പ്‌ ഡോ.വിന്‍സെന്‍റ് സാമുവല്‍, കെആര്‍എല്‍സിസി സെക്രട്ടറി ജനറല്‍ ബിഷപ് ഡോ.സെല്‍വിസ്റ്റര്‍ പൊന്നുമുത്തന്‍, ലത്തീന്‍ സമുദയ വക്താവ് ഷാജി ജോര്‍ജ്ജ്, കെഎല്‍സിഡബ്ല്യുഎ സംസ്ഥന പ്രസിഡന്‍റ് ജെയിന്‍ ആന്‍സില്‍ ഫ്രാന്‍സിസ്, എം വിന്‍സെന്‍റ് എംഎല്‍എ, മോണ്‍.ജി.ക്രിസ്തുദാസ്, നെയ്യാറ്റിന്‍കര നഗരസഭാ ചെയര്‍ പേഴ്സണ്‍ ഡബ്ല്യൂ ആര്‍ ഹീബ, കെആര്‍എല്‍സിസി ജനറല്‍ സെക്രട്ടറി ഫാ.ഫ്രാന്‍സിസ് സേവ്യര്‍,കെഎല്‍സിഎ സംസ്ഥാന പ്രസിഡന്‍റ് ആന്‍റണി നെറോണ, പാസ്റ്ററല്‍ കൗണ്‍സില്‍ സെക്രട്ടറി ആറ്റുപുറം നേശന്‍, വൈസ് പ്രസിഡന്‍റ് ഡോ.അഗസ്റ്റിന്‍ മുളളൂര്‍,ഡിസിഎംഎസ് സംസ്ഥാന ജനറല്‍ സെക്രട്ടറി എന്‍.ദേവദാസ്, സിഎസ്എസ് സംസ്ഥാന വൈസ് പ്രസിഡന്‍റ് ബെന്നിപാപ്പച്ചന്‍, കെസിവൈഎം (ലാറ്റിന്‍) സംസ്ഥാന പ്രസിഡന്‍റ് അജിത് കെ തങ്കച്ചന്‍, കെആര്‍എല്‍സിസി സെക്രട്ടറി സ്മിത ബിജോയ്, കെആര്‍എല്‍സിസി സെക്രട്ടറി അനില്‍ ആല്‍ബര്‍ട്ട് തുടങ്ങിയവര്‍ പ്രസംഗിച്ചു.