സ്വന്തം ലേഖകൻ

കൊ​ച്ചി: പാ​ല​ക്കാ​ട് രൂ​പ​ത​യു​ടെ പ്രഥമ സ​ഹാ​യ​മെ​ത്രാ​നാ​യി ഫാ. പീ​റ്റ​ർ കൊ​ച്ചു​പു​ര​യ്ക്ക​ലി​നെ നി​യ​മി​ച്ചു. 1974-ൽ ​സ്ഥാ​പി​ത​മാ​യ പാ​ല​ക്കാ​ട് രൂ​പ​ത​യു​ടെ പ്ര​ഥ​മ സ​ഹാ​യ​മെ​ത്രാ​നാ​യാ​ണ് അ​ദ്ദേ​ഹം അ​ഭി​ഷി​ക്ത​നാ​കു​ന്ന​ത്. സിനഡിന്റെ തീരുമാനങ്ങൾക്ക് ഫ്രാൻസിസ് പാപ്പായിൽനിന്ന് അംഗീകാരം ലഭിച്ചതോടെ, സഭയുടെ പിതാവും തലവനുമായ മേജർ ആർച്ചുബിഷപ്പ് കർദ്ദിനാൾ മാർ ജോർജ് ആലഞ്ചേരി പുതിയ നിയമനങ്ങളിൽ ഒപ്പുവച്ചു. ഇത് സംബന്ധിച്ച പ്രഖ്യാപനം സിനഡിന്റെ സമ്മേളനത്തിന്റെ അവസാന ദിവസമായ ജനുവരി 15-ന് ഇറ്റാലിയൻ സമയം ഉച്ചക്ക് 12 മണിക്ക് വത്തിക്കാനിലും, ഇന്ത്യൻ സമയം ഉച്ചകഴിഞ്ഞ് 4.30-ന് സീറോ മലബാർ സഭയുടെ ആസ്ഥാനകാര്യാലയമായ കാക്കനാട് മൗണ്ട് സെന്റ് തോമസിലും നടന്നു. അഞ്ചു ദിവസം നീണ്ടുനിന്ന സിനഡിന്റെ സമാപനത്തിലാണ് നിയമനം അറിയിച്ചത്. നിയമന പ്രഖ്യാപന യോഗത്തിൽ സഭയിലെ 58 മെത്രാന്മാരും, ക്ഷണിക്കപ്പെട്ട വിശിഷ്ട വ്യക്തികളും, നിരവധി വൈദികരും, സമർപ്പിതരും, അൽമായരും പങ്കെടുത്തു.

1964 ൽ ​പാ​ലാ രൂ​പ​ത​യി​ലെ മ​ര​ങ്ങോ​ലി​യി​ലാ​ണ് ഫാ. പീ​റ്റ​ർ കൊ​ച്ചു​പു​ര​യ്ക്ക​ൽ ജ​നി​ച്ച​ത്. ഹൈ​സ്കൂ​ൾ വി​ദ്യാ​ഭ്യാ​സ​ത്തി​നു ശേ​ഷം വൈ​ദി​ക പ​രി​ശീ​ല​ന​ത്തി​നാ​യി പാ​ല​ക്കാ​ട് രൂ​പ​ത മൈ​ന​ർ സെ​മി​നാ​രി​യി​ൽ ചേ​ർ​ന്നു. ആ​ലു​വ പൊ​ന്തി​ഫി​ക്ക​ൽ സെ​മി​നാ​രി​യി​ൽ നി​ന്ന് വൈ​ദി​ക പ​രി​ശീ​ല​നം പൂ​ർ​ത്തി​യാ​ക്കി​യ അ​ദ്ദേ​ഹം മാ​ർ ജോ​സ​ഫ് പ​ള്ളി​ക്കാ​പ​റ​മ്പി​ലി​ൽ നി​ന്ന് വൈ​ദി​ക പ​ട്ടം സ്വീ​ക​രി​ച്ചു.

പൗ​രോ​ഹി​ത്യ സ്വീ​ക​ര​ണ​ത്തി​നു ശേ​ഷം രൂ​പ​ത​യി​ലെ വി​വി​ധ ഇ​ട​വ​ക​ക​ളി​ലും സ്ഥാ​പ​ന​ങ്ങ​ളി​ലും ശു​ശ്രൂ​ഷ ചെ​യ്തു. റോ​മി​ലെ ഓ​റി​യ​ന്‍റ​ൽ ഇ​ൻ​സ്റ്റി​റ്റ്യൂ​ട്ടി​ൽ നി​ന്ന് സ​ഭാനി​യ​മ​ത്തി​ൽ ഡോ​ക്ട​റേ​റ്റ് നേ​ടി.

ഉ​പ​രി​പ​ഠ​ന​ത്തി​നു ശേ​ഷം വി​വി​ധ ഇ​ട​വ​ക​ക​ളി​ൽ വി​കാ​രി​യാ​യും, രൂ​പ​താ മൈ​ന​ർ സെ​മി​നാ​രി റെ​ക്ട​റാ​യും, ജു​ഡീ​ഷൽ വി​കാ​രി​യാ​യും സേ​വ​നം ചെ​യ്തു. നി​ല​വി​ൽ ഫാ.പീ​റ്റ​ർ കൊ​ച്ചു​പു​ര​യ്ക്ക​ൽ രൂ​പ​താ ചാ​ൻ​സ​ല​ർ, സെ​മി​നാ​രി​ക്കാ​രു​ടെ​യും സ​മ​ർ​പ്പി​ത​രു​ടെ​യും പ്ര​ത്യേ​ക ഉ​ത്ത​ര​വാ​ദി​ത്ത​മു​ള്ള സി​ഞ്ചെ​ലൂ​സ് എ​ന്നി നി​ല​ക​ളി​ൽ പ്ര​വ​ർ​ത്തി​ച്ചു​വ​രികയായിരുന്നു.