രതീഷ് ആന്‍റണി

കണ്ണൂര്‍: ഗാന്ധിജിയുടെ രക്തസാക്ഷിത്വ ദിനത്തില്‍ ലോക സമാധാനത്തിനു വേണ്ടിയും, ഭാരതത്തില്‍ ഇന്ന് നടക്കുന്ന കലുഷിതമായ വിവിധ പ്രശ്നങ്ങളുടെ പരിഹാരത്തിന് വേണ്ടിയും, ഭരണാധികാരികള്‍ക്ക് മികച്ച രീതിയില്‍ ഭരണം നടത്താന്‍ വേണ്ടിയുള്ള വിജ്ഞാനവും വിവേകവും നല്‍കണമെന്നും പ്രാര്‍ത്ഥിച്ചുകൊണ്ട് കേരള ലാറ്റിന്‍ കാത്തലിക് അസോസിയേഷന്‍ കണ്ണൂര്‍ രൂപതാ സമിതിയുടെ ആഭിമുഖ്യത്തില്‍ കണ്ണൂര്‍ കാള്‍ടെക്സ് കവലയിലെ ഗാന്ധി സര്‍ക്കിളില്‍ മെഴുകുതിരികള്‍ തെളിയിച്ചു കൊണ്ട് പ്രാര്‍ത്ഥനാജ്ഞലി നടത്തി.

കണ്ണൂര്‍ രൂപതാ വികാരി ജനറല്‍ മോണ്‍.ദേവസി ഈരാത്തറ പരിപാടി ഉദ്ഘാടനം ചെയ്തു. കെഎല്‍സിഎ രൂപതാ പ്രസിഡന്റ് രതീഷ് ആന്റെണി അധ്യക്ഷതവഹിച്ച പരിപാടിയില്‍ രൂപത ഡയറക്ടര്‍ ഫാ.മാര്‍ട്ടിന്‍ രായപ്പന്‍, കെ.എല്‍.സി.എ. സംസ്ഥാന പ്രസിഡന്റ് ആന്റെണി നെറോണ, ഡിക്രൂസ് ക്രിസ്റ്റഫര്‍ കല്ലറയ്ക്കല്‍, ജോണ്‍ കെ.എച്ച്., ഷെര്‍ലി സ്റ്റാന്‍ലി, ഡിക്സണ്‍ ഡഗ്ലസ് എന്നിവര്‍ പ്രസംഗിച്ചു.