Categories: Articles

പാണന്മാർ പാടിനടക്കുന്നു: “മതവും ദൈവവുമില്ലാത്ത രാജ്യം… ലോകത്ത് ഏറ്റവും സമാധാനമുള്ള രാജ്യം…” (യുവജനങ്ങളുടെ ശ്രദ്ധയ്ക്ക്)

ഫിന്‍ലാന്റിലെ 75 ശതമാനത്തോളം മനുഷ്യരും ക്രൈസ്തവവിശ്വാസത്തില്‍ ജീവിക്കുന്നവരും, ക്രൈസ്തവവിശ്വാസത്തില്‍ മക്കളെ വളര്‍ത്തുന്നവരുമാണ്...

ഫാ.നോബിൾ തോമസ് പാറക്കൽ

ലോകത്ത് മനുഷ്യര്‍ ഏറ്റവും കൂടുതല്‍ സന്തോഷത്തിലും സമാധാനത്തിലും ജീവിക്കുന്ന രാജ്യം ഏതാണ് എന്ന ചോദ്യത്തിന് ഇന്ന് പലരും മറുപടി പറയും ഫിന്‍ലാന്‍റ്… ചിലര്‍ പറയും നോര്‍വേ… എന്തുകൊണ്ടാണ് അപ്രകാരം ആ രാജ്യങ്ങളിലുള്ളവരുടെ ‘ഹാപ്പിനെസ് ഇന്‍ഡക്സ്’ വളരെയധികം വര്‍ദ്ധിച്ചിരിക്കുന്നത് എന്ന് ചോദിച്ചാലോ… മറുപടി തമാശയാണ്.. ‘ആ രാജ്യങ്ങളില്‍ മതവും ദൈവവും ദൈവവിശ്വാസവുമൊന്നും ഇല്ലത്രേ…’ കേരളത്തില്‍ നിരീശ്വരവാദവും യുക്തിവാദവും സ്ഥാപിക്കാന്‍ ശ്രമിക്കുന്നവര്‍ പ്രചരിപ്പിക്കുന്ന ഒരു കള്ളക്കഥയാണ് ഇത്. പെട്ടെന്ന് ഈ വിഷയം മനസ്സിലേക്ക് വരാന്‍ കാരണം എസ്സന്‍സ് ഗ്ലോബല്‍ ട്രിവാന്‍ഡ്രം എന്ന ഫെയ്സ്ബുക്ക് പേജില്‍ നടന്‍ ശ്രീനിവാസന്റേതായി വന്ന 47 സെക്കന്റുകള്‍ മാത്രമുള്ള ഒരു വീഡിയോയാണ്.

എന്തൊരു ആധികാരികതയോടെയാണ് ശ്രീനിവാസന്‍ ഫിന്‍ലാന്റില്‍ മതവും ദൈവവുമൊന്നുമില്ലായെന്നും, അവിടെ മതം പഠിപ്പിക്കുന്നവനെ പിടിച്ച് ജയിലിലിടുമെന്നുമൊക്കെ വെച്ചു കാച്ചുന്നത്. അതുകേട്ട് കയ്യടിക്കാന്‍ നൂറുകണക്കിന് യുവജനങ്ങളും സമ്മേളിച്ചിട്ടുണ്ട്. ശാസ്ത്രവും യുക്തിചിന്തയും ഉപയോഗിച്ചുകൊണ്ട് ദൈവവിശ്വാസം ഇല്ലാതാക്കാമെന്ന വ്യാമോഹവുമായി ഇറങ്ങിത്തിരിച്ചിരിക്കുന്ന ഒരുകൂട്ടം മനുഷ്യരാണ് എസ്സന്‍സ് ഗ്ലോബലിന്റെ പിന്നാമ്പുറത്തുള്ളത്. സി.രവിചന്ദ്രന്‍ പ്രൊഫസറാണ് പ്രസ്ഥാനത്തിന് നേതൃത്വം നല്കുന്നതെന്ന് തോന്നുന്നു.

ഫിന്‍ലാന്റിലെ 75 ശതമാനത്തോളം മനുഷ്യരും ക്രൈസ്തവവിശ്വാസത്തില്‍ ജീവിക്കുന്നവരും, ക്രൈസ്തവവിശ്വാസത്തില്‍ മക്കളെ വളര്‍ത്തുന്നവരുമാണ് എന്നത് നഗ്നമായ ഒരു സത്യമാണ്. എസ്സന്‍സുകാർ പൊക്കിപ്പിടിക്കുന്ന താര്‍ക്കികബുദ്ധിയൊന്നും വേണ്ട, വെറുതേ ഗൂഗിള്‍ സെര്‍ച്ച് ചെയ്താല്‍ മതി, ഫിന്‍ലാന്റില്‍ എത്ര ശതമാനം ക്രൈസ്തവരുണ്ട്? അവര്‍ ഏതൊക്കെ വിഭാഗങ്ങളിലാണ് പെടുന്നത്? എന്നൊക്കെ മനസ്സിലാക്കാന്‍… വേള്‍ഡ് അറ്റലസ്.കോം ഫിന്‍ലന്റിലെ മതവിശ്വാസത്തെക്കുറിച്ച് പറയുന്നത് ശ്രദ്ധിക്കൂ… The majority of individuals in Finland identify as members of a Christian church; the vast majority of these Christians are attendants of the Evangelical Lutheran Church of Finland. Its followers make up 70.9% of the population. Although Finnish regulation allows for religious freedom, this church is considered one of two national churches in the country as a way to promote nationalism among the Finnish population. This promotes nationalism because Christianity has had influence over the culture since the 11th century. https://www.worldatlas.com/articles/religion-in-finland-today.html

ഏതായാലും ആഘോഷമായി മണ്ടത്തരം എഴുന്നള്ളിക്കാന്‍ വലിയ പ്രശസ്തരെ കൊണ്ടുവരികയും, അതിന് കൈയ്യടിക്കാന്‍ ബുദ്ധിജീവികളെന്ന് നടിക്കുന്ന കുറേപ്പെരെ ടാഗും കഴുത്തിലിടീപ്പിച്ച് കൊണ്ടുവന്നിരുത്തുകയും ചെയ്യുമ്പോള്‍ പറയുന്നതും പ്രചരിപ്പിക്കുന്നതും ശാസ്ത്രത്തിനും യുക്തിക്കും നിരക്കുന്നതാണോയെന്നുകൂടി ചിന്തിക്കുന്നത് നല്ലതാണ്. ദയവുചെയ്ത് ഇത്തരം വിഡ്ഢിത്തങ്ങള്‍ പ്രചരിപ്പിക്കുന്നവരുടെ സംഘങ്ങളില്‍ ചാടി സാമാന്യബോധംകൂടി ഇല്ലാതാക്കരുതേയെന്ന് പ്രിയ യുവജനങ്ങളോട് അഭ്യര്‍ത്ഥിക്കുന്നു. നിരീശ്വരപ്രസ്ഥാനങ്ങളുടെ അബദ്ധപ്രചരണങ്ങളോട് കൂടുതല്‍ പ്രതികരണങ്ങള്‍ സാവധാനം രൂപപ്പെടുത്താമെന്ന് വിചാരിക്കുന്നു.

vox_editor

Recent Posts

സമ്മതിദാനാവകാശം വിവേകപൂർവ്വം ഉപയോഗിക്കണം; നിലപാട് വ്യക്തമാക്കി കെആർഎൽസിസി

ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്‌കുന്ന നീതി, സമത്വം,…

1 week ago

4th Easter Sunday_ഇടയനും കൂലിക്കാരനും (യോഹ 10:11-18)

പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…

1 week ago

3rd Sunday_Easter_വിശ്വാസവും സ്നേഹവും (ലൂക്കാ 24: 35-48)

പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…

2 weeks ago

2nd Easter Sunday_”എന്റെ കർത്താവേ, എന്റെ ദൈവമേ!”

പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…

3 weeks ago

Easter_2024_സ്നേഹത്തിന്റെ വിജയം (യോഹ 20:1-9)

ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…

4 weeks ago

ആലപ്പുഴയിൽ സംയുക്ത കുരിശിന്റെ വഴി നടത്തി

ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…

1 month ago