ശശികുമാർ

നെയ്യാറ്റിൻകര: കൊറോണ ജാഗ്രതയുടെ ഭാഗമായി ലേബർ ഓഫീസിലേക്കുള്ള ഫേസ് മാസ്കുകൾ നെയ്യാറ്റിൻകര ഇന്റെഗ്രൽ ഡവലപ്മെന്റ് സൊസൈറ്റി (NIDS) കേന്ദ്ര ഓഫീസിൽ നിന്നും കൈമാറി. 525 മാസ്ക്കുകളാണ് തിരുവനന്തപുരം ജില്ല ലേബർ ഓഫീസർ ശ്രീ.ജി.വിജയകുമാറിന് രൂപതാ നിഡ്സ് പ്രവർത്തകരായ ശ്രീ.ബിജു, ശ്രീ.ശശികുമാർ, ശ്രീ.ജയരാജ് എന്നിവർ ചേർന്ന് കൈമാറിയത്.

കോവിഡ് 19 പ്രതിരോധനത്തിന്റെ ഭാഗമായി രൂപതയിലെ വിവിധ ഇടവകകളിലെ നിഡ്സ് യൂണിറ്റുകളെ കേന്ദ്രീകരിച്ചാണ് ഫേസ് മാസ്ക്കുകളുടെ പ്രവർത്തനങ്ങൾ നടത്തുന്നത്. നിഡ്‌സിന്റെ പ്രവർത്തനങ്ങൾ നിതാന്തജാഗ്രതയോടെയാണ് മുന്നേറുന്നതെന്നും, ഗവണ്മെന്റിന്റെ പ്രവർത്തനങ്ങളോട് കൈകോർത്ത് തന്നെയാണ് മുന്നോട്ട് പോകുന്നതെന്നും ഡയറക്ടർ ഫാ.രാഹുൽ ബി.ആന്റോ പറഞ്ഞു.

കൂടാതെ, കാത്തലിക് ഹെല്‍ത്ത് അസോസിയേഷന്‍ ഓഫ് ഇന്ത്യയും ലോകത്തിലെ തന്നെ 2 മത്തെ ഹ്യൂമാനിറ്റേറിയന്‍ നെറ്റ് വർക്കായ കാരിത്താസ് ഇന്ത്യയുടെയും സഹകരണത്തോടെ നെയ്യാറ്റിന്‍കര, കാട്ടാക്കട താലൂക്കുകളിലെ 11 മേഖലകളിൽ എമര്‍ജന്‍സി റെസ്പേണ്‍സ് ടീം രൂപീകരിച്ച് പ്രവർത്തിച്ചു വരികയാണ് നിഡ്സ്.