ഫാ.വില്യം നെല്ലിക്കൽ
വത്തിക്കാൻ സിറ്റി: ഫ്രാന്സിസ് പാപ്പാ 2015 മെയ് 24-ന് സൃഷ്ടിയെ സംബന്ധിച്ച് നൽകിയ പാരിസ്ഥിതിക പ്രബോധനം Laudato Sì (അങ്ങേയ്ക്കു സ്തുതി) യുടെ 5-Ɔο വാര്ഷികത്തിന് ഒരുക്കമായിട്ടാണ് ആഗോളസഭയില് പരിസ്ഥിതി വാരാചരണത്തിന് വത്തിക്കാന് ആഹ്വാനം ചെയ്തിട്ടുള്ളത്. സമഗ്ര മാനവപുരോഗതിക്കായുള്ള വത്തിക്കാന് സംഘമാണ് പരിസ്ഥിതി പരിപാടികളുടെ ആസൂത്രകര്. ഭൂമുഖത്തെ പ്രകൃതിയെക്കുറിച്ചുള്ള ആശങ്ക, ഭൂമിയിൽ വസിക്കുന്ന ജനങ്ങളില് ബഹുഭൂരിപക്ഷം വരുന്ന പാവങ്ങളെക്കുറിച്ച് മറ്റുള്ളവര്ക്കുണ്ടാകേണ്ട അവബോധം, നല്ല പ്രകൃതിയും സഹോദര്യവും ഭൂമിയില് വസിക്കുന്നവര്ക്ക് നൽകാവുന്ന ആനന്ദവും സാമാധാനവും തുടണ്ടിയവയാണ് Laudato Sì ന്റെ കാതലായ പ്രബോധനം.
2020 മെയ് 24-ന് ആരംഭിച്ച് 2021 മെയ് 24-ന് അവസാനിക്കുന്ന ഒരു വര്ഷം നീളുന്ന വാര്ഷിക പരിപാടികള്ക്കാണ് തുടക്കം കുറിച്ചിരിക്കുന്നത്. ഇതിന് ആമുഖമായിട്ടാണ് പരിസ്ഥിതി വാരാചരണം സംഘടിപ്പിച്ചിരിക്കുന്നത്. സുസ്ഥിതിയുള്ള പരിസ്ഥിതിയും നല്ല പ്രകൃതിയും യാഥാര്ത്ഥ്യമാക്കുവാന് സാമ്പത്തിക നേട്ടങ്ങള്ക്കുവേണ്ടി ലോകവും രാഷ്ട്രനേതാക്കളും മടിച്ചുനിൽക്കുമ്പോഴാണ് ആഗോള കത്തോലിക്കാ സഭാതലത്തില് പാരിസ്ഥിതിക പരിപാടികള്ക്ക് ആഹ്വാനം ചെയ്യുന്നത്. പാപ്പായുടെ പാരിസ്ഥിതിക പ്രബോധനങ്ങള് ലോകത്ത് പ്രാവര്ത്തികമാക്കുക എന്ന ഉറച്ചബോധ്യത്തോടെയാണ് ഒരു വര്ഷം നീളുന്ന കര്മ്മപദ്ധതികള് ഒരുക്കിയിരിക്കുന്നതെന്ന് കര്ദ്ദിനാള് ടേര്ക്സണ് പറഞ്ഞു.
2020 മെയ് 24 -ന് ആരംഭിക്കുന്ന പാരിസ്ഥിതിക കര്മ്മപദ്ധതികളുടെ കരടുരൂപം ഇങ്ങനെ:
a) പ്രബോധനത്തിന്റെ 5-Ɔο വാര്ഷികം ഫലപ്രദമായി ആഘോഷിക്കുന്നതിന്റെ തുടക്കമായി മെയ് 24, ഞായറാഴ്ച മദ്ധ്യാഹ്നം 12 മണിക്ക് ഭൂമിക്കും മാനവകുലത്തിനും വേണ്ടി പൊതുവായ പ്രാര്ത്ഥനചൊല്ലും.
b) വാര്ഷിക പരിപാടികള് പ്രായോഗികമാക്കുവാനുള്ള മാര്ഗ്ഗരേഖകള് ജൂണില് ലഭ്യമാക്കും.
c) 1 സെപ്തംബര് – 4 ഒക്ടോബര് 2020 : “സൃഷ്ടിയുടെ കാലം” എന്ന പേരില് “വെബ് സെമിനാറുകള്” സംഘടിപ്പിക്കും.
d) 15 ഒക്ടോബര് 2020 : ആഗോള വിദ്യാഭ്യാസ ഉടമ്പടിയുടെ പുനര്പരിശോധന.
e) 20-29 ജനുവരി 2021: ഫ്രാന്സിസ് പാപ്പാ വിളിച്ചുകൂട്ടുന്ന ആഗോള സാമ്പത്തിക ചര്ച്ചാവേദി.
f) ആഗോള സാമ്പത്തിക കൂട്ടായ്മ, ഡോവോസ് – മൂന്നാമത് വട്ടമേശ സമ്മേളനം (വസന്തം 2021).
g) ലോക ജലദിന പരിപാടികള് (22 മാര്ച്ച് 2021).
h) സമാപനപരിപാടിയും വാര്ഷികസമ്മേളനവും (20-22 മെയ് 2021) : യുവജനങ്ങളുടെ അങ്ങേയ്ക്കു സ്തുതി സംഗീതകൂട്ടായ്മ, പാരിസ്ഥിതിക അവാര്ഡുകള് എന്നിവ ശ്രദ്ധേയമായിരിക്കും.
i) വാര്ഷിക പരിപാടിയെ തുടര്ന്നുള്ള 7 വര്ഷങ്ങള് നീളുന്ന കര്മ്മ പദ്ധതികള് ദേശീയ-പ്രാദേശിക സഭകള്ക്ക് ലഭ്യമാക്കും.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.