ജോസ് മാർട്ടിൻ
ആലപ്പുഴ: കോവിഡ് മഹാമാരിയും രൂക്ഷമായ കടലാക്രമണണവും ഇരട്ട ദുരന്തം വിതച്ച തീരദേശ വാസികളെ സഹായിക്കുന്നതിനായി ആലപ്പുഴ രൂപതാ കെ.എൽ.സി.എ. “ദുരിതബാധിതർക്ക് ഒരു കൈത്താങ്ങ്” എന്ന പദ്ധതിയ്ക്ക് തുടക്കം കുറിച്ചു. രൂപതയിലെ വിവിധ യൂണിറ്റുകളുടെ നേതൃത്വത്തിൽ ഇടവകകളിൽ നിന്നും ശേഖരിച്ച ഭക്ഷ്യവസ്തുക്കളും, അണുനശീകരണികളുമാണ് ദുരിത പ്രദേശങ്ങളിൽ എത്തിക്കുന്നത്. പദ്ധതിയുടെ ആദ്യഘട്ടം പ്രസിഡന്റ് ജോൺ ബ്രിട്ടോ ആലപ്പുഴ രൂപത സൊസൈറ്റി ഡയറക്ടർ ഫാ.സാംസൺ ആഞ്ഞിലിപറമ്പിന് കൈമാറി.
ദുരിതബാധിതരെ അവരുടെ ആവശ്യങ്ങളിൽ സഹായിക്കുകയെന്നത് ക്രൈസ്തവ ധർമ്മവും അതോടൊപ്പം പൗരധർമ്മവുമാണെന്നും ആ ദൗത്യമാണ് സംഘടന നിർവ്വഹിക്കുന്നതെന്നും പ്രസിഡന്റ് ശ്രീ.ജോൺ ബ്രിട്ടോ പി.ജി. പറഞ്ഞു. കെ.എൽ.സി.എ. യുടെ ദൗത്യം മാതൃകാപരവും, ശ്ലാഘനീയവുമാണെന്ന് ആലപ്പുഴ രൂപത സൊസൈറ്റി ഡയറക്ടർ ഫാ.സാംസൺ ആഞ്ഞിലിപറമ്പിൽ പറഞ്ഞു.
പുന്നപ്ര വിയാനി, ചാത്തനാട് കത്തീഡ്രൽ, ചേന്നവേലി,മാരാരിക്കുളം, കോമളപുരം, വട്ടയാൽ, വാടയ്ക്കൽ യൂണിറ്റുകൾ സമാഹരിച്ച വസ്തുക്കളാണ് ഇപ്പോൾ വിതരണം ചെയ്തത്.
കെ.എൽ. സി. എ. രൂപത ഭാരവാഹികളായ ജനറൽ സെക്രട്ടറി ഈ.വി. രാജു, ക്ലീറ്റസ് കളത്തിൽ, സാബു വി. തോമസ്, ഹെലൻ എവ്ദേവൂസ്, തോമസ് കണ്ടത്തിൽ, ഉമ്മച്ചൻ ചക്കുപുരയ്ക്കൽ, സജി കുന്നേൽ, തങ്കച്ചൻ തെക്കേപാലയ്ക്കൽ, സോളമൻ പനയ്ക്കൽ, ആൽബർട്ട് പുത്തൻപുരയ്ക്കൽ, സോണി നോയൽ തുടങ്ങിയവർ പരിപാടിയിൽ പങ്കെടുത്തു.
ആലപ്പുഴ രൂപതയുടെ വടക്കൻ മേഖലയിലുള്ള യൂണിറ്റുകൾക്ക് മുൻഗണന നൽകിയായിരിക്കും സാധനങ്ങൾ നൽകുന്നതെന്ന് ഭാരവാഹികൾ അറിയിച്ചു.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.