ജോസ് മാർട്ടിൻ

കോട്ടയം: കോവിഡ് -19 പ്രതിരോധ പ്രവർത്തനങ്ങൾക്ക് നേതൃത്വം നൽകുന്നതിനായി വിജയപുരം രൂപതയുടെ ആഭിമുഖ്യത്തിൽ വിജയ് സമരിറ്റൻസ് എന്ന പേരിൽ ടാസ്ക് ഫോഴ്സ് രൂപീകരിച്ചു. കോവിഡ് പ്രതിരോധ പ്രവർത്തനങ്ങൾ ഏകോപിപ്പിക്കുന്നതിനും, കോവിഡ് ബാധിച്ച് മരിക്കുന്നവരുടെ മൃതസംസ്കാര ശുശ്രൂഷയിൽ സഹായിക്കുന്നതിനുമായിട്ടാണ് ടാസ്ക് ഫോഴ്സ് രൂപീകരിച്ചത്.

വൈദികരും, സന്യസ്തരും അടങ്ങുന്ന ടാസ്ക് ഫോഴ്സ് പരിശീലന പരിപാടിയുടെ ഔപചാരിക ഉത്ഘാടനം വിജയപുരം രൂപതാദ്ധ്യക്ഷൻ അഭിവന്ദ്യ സെബാസ്റ്റ്യൻ തെക്കേത്തെച്ചേരിൽ പിതാവ് നിർവഹിച്ചു.

വിജയപുരം സോഷ്യൽ സർവീസ് സൊസൈറ്റി, കെ.സി.വൈ.എം. സംഘടനകളുടെ സഹകരണത്തോടെ സന്നദ്ധ സേനയുടെ ഒന്നാംഘട്ട പരിശീലനം പൂർത്തിയാക്കി. ഡോ.അനിതകുമാരിയുടെ നേതൃത്വത്തിലുള്ള കോട്ടയം ജില്ലാ മെഡിക്കൽ ടീമിന്റെ ഭാഗമായ ഡിനു ജോയിയുടെ നേതൃത്വത്തിലാണ് പരിശീലനം നടത്തിയത്.