സ്വന്തം ലേഖകൻ

ചെല്ലാനം: ചെല്ലാനം മുതൽ ഫോർട്ടുകൊച്ചി വരെയുള്ള തീരസംരക്ഷണത്തിനായി കെ.ആർ.എൽ.സി.സി. സർക്കാരിനു സമർപ്പിച്ച ജനകീയരേഖയുടെ തുടർനടപടിക്കായി ജലവിഭവ വകുപ്പിന്റെ ഉദ്യോഗസ്ഥ സംഘം ചെല്ലാനം തീരപ്രദേശങ്ങളിൽ പ്രാഥമിക പഠനം നടത്തി. തുടർന്ന്, ഇതിന്റെ ഭാഗമായി ചെല്ലാനത്ത് കെ.ആർ.എൽ.സി.സി. ഭാരവാഹികളും ജനപ്രതിനിധികളുമായും ചർച്ച നടത്തി.

കെ.ജെ.മാക്സി എം.എൽ.എ., കെ.ആർ.എൽ.സി.സി. വൈസ് പ്രസിഡന്റ് ഷാജി ജോർജ്, ജനറൽ സെക്രട്ടറി ഫാ.ഫ്രാൻസിസ് സേവ്യർ, CADAL ജനറൽ സെക്രട്ടറി ജോസഫ് ജുഡ്, പി. ആർ.കുഞ്ഞച്ചൻ, ടി.എ.ഡാൽഫിൻ, ഫാ.അലക്സ് കൊച്ചിക്കാരൻവീട്ടിൽ, ഫാ.ജോൺ കണ്ടത്തിപറമ്പിൽ, ജില്ലാ പഞ്ചായത്ത് അംഗം അനിതാ ഷീലൻ, പഞ്ചായത്ത് വൈസ് പ്രസിഡന്റ് പ്രസാദ്, അംഗം ആന്റെണി ഷീലൻ, ജിൻസൺ വെള്ളമൺപറമ്പിൽ തുടങ്ങിയവർ പ്രസംഗിച്ചു.