ജോസ് മാർട്ടിൻ

കോട്ടപ്പുറം/കൊടുങ്ങല്ലൂർ: കോട്ടപ്പുറം കിഡ്സിന്റെ നേതൃത്വത്തിൽ സ്പോൺസർഷിപ്പ് വിദ്യാർത്ഥികൾക്ക് പഠനോപകരണങ്ങളും, ധനസഹായ വിതരണവും നടത്തി. അർഹതപ്പെട്ട നൂറോളം വിദ്യാർഥികൾക്കാണ് കിഡ്സ് ക്യാമ്പസിൽ വെച്ച് സഹായ വിതരണം നടത്തിയത്.

കോട്ടപ്പുറം രൂപതാ ചാൻസിലർ റവ.ഡോ.ബെന്നി വാഴക്കൂട്ടത്തിൽ ഉദ്ഘാടനം നിർവഹിച്ച ചടങ്ങിൽ കിഡ്സ് ഡയറക്ടർ ഫാ.പോൾ തോമസ് കളത്തിൽ അധ്യക്ഷത വഹിച്ചു. അസിസ്റ്റൻറ് ഡയറക്ടർ ഫാ.നീൽ ജോർജ് ചടയമുറി സ്വാഗതവും, കിഡ്സ് കോഓഡിനേറ്റർ നക്ഷത്ര എൻ.നായർ നന്ദിയും അർപ്പിച്ചു.

നമസ്തേ, മാർഗിറ്റ്, സ്റ്റില്ല, എന്നീ സംഘടനകളുടെയും, ഫാ.ഡൊമിനിക് പിൻ ഹീറോയുടെയും സഹകരണത്തോടെയാണ് വിദ്യാർത്ഥികൾക്ക് പഠനോപകരണ ധനസഹായ വിതരണം നടന്നത്.