സ്വന്തം ലേഖകൻ
കൊച്ചി: ആദിവാസി-ദളിത് മേഖലകളില് കഴിഞ്ഞ ആറ് പതിറ്റാണ്ടുകളായി പ്രവര്ത്തിച്ചുവരുന്ന ഈശോ സഭാംഗമായ വൈദീകന് ഫാ.സ്റ്റാന് സ്വാമിയെ (സ്വാമിയച്ചനെ) മതിയായ തെളിവുകളില്ലാതെ, പ്രായം പോലും പരിഗണിക്കാതെ അറസ്റ്റ് ചെയ്ത് തടവിലാക്കിയ നടപടിയില് പ്രതിഷേധിച്ച് കെ.എല്.സി.എ. സംസ്ഥാ സമിതി പ്രധാനമന്ത്രി നരേന്ദ്രമോഡിയുടെ പബ്ളിക് ഗ്രീവന്സ് സെല്ലില് പരാതി നല്കി. അതോടൊപ്പം അന്യായ തടങ്കല് നടപടി കടുത്ത മനുഷ്യാവകാശ ധ്വംസനമാണ് എന്ന് ആരോപിച്ച് ദേശീയ മനുഷ്യാവകാശ കമ്മീഷനും പരാതി നല്കി.
അടിസ്ഥാന രഹിതമായ ആരോപണങ്ങളെങ്കിലും, അന്വേഷണത്തോട് പൂര്ണ്ണമായും സഹകരിച്ചിരുന്ന സ്വാമിയച്ചനെ അറസ്റ്റ് ചെയ്ത് റിമാന്ഡിലാക്കിയ നടപടിയില് ഇടപെടണമെന്നാവശ്യപ്പെട്ട് സംസ്ഥാന പ്രസിഡന്റ് ആന്റണി നൊറോണ, ജനറല് സെക്രട്ടറി അഡ്വ.ഷെറി ജെ.തോമസ്, ആധ്യാത്മീക ഉപദേഷ്ടാവ് മോണ്.ജോസ് നവസ് എന്നിവരുടെ പേരിലാണ് പരാതികള് നല്കിയത്.
ആന്റെണി നൊറോണ അധ്യക്ഷത വഹിച്ച സംസ്ഥാന സമിതി യോഗത്തിൽ, വൈസ് പ്രസിഡന്റ് ഇ.ഡി.ഫ്രാന്സീസ്, ടി.എ.ഡാല്ഫിന് എന്നിവര് വിഷയാവതരണം നടത്തി. മോണ്.ജോസ് നവസ്, സംസ്ഥാന ജനറല് സെക്രട്ടറി അഡ്വ ഷെറി ജെ.തോമസ്, സംസ്ഥാന വൈസ് പ്രസിഡന്റുമാരായ ബേബി ഭാഗ്യോദയം, ജെ.സഹായദാസ്, ഉഷാകുമാരി, അജു ബി.ദാസ്, ബിജു ജോസി, എം.സി.ലോറന്സ്, ജസ്റ്റീന ഇമ്മാനുവല്, പൂവം ബേബി, ജോണ് ബാബു, ജസ്റ്റിന് ആന്റണി, എബി കുന്നേപറമ്പില്, അഡ്വ. ജസ്റ്റിന് കരിപ്പാട്ട്, വിന്സ് പെരിഞ്ചേരി, ജോര്ജ് നാനാട്ട്, ഷൈജ ടീച്ചര് എന്നിവര് സംസാരിച്ചു.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.