സ്വന്തം ലേഖകൻ
മാഹി: ഉത്തര കേരളത്തിലെ ഏറ്റവും വലിയ തീർത്ഥാടന കേന്ദ്രമായ മാഹി സെന്റ് തെരേസ ദേവാലയത്തിലെ സ്വർഗ്ഗീയ മധ്യസ്ഥയായ വിശുദ്ധ അമ്മത്രേസ്യയുടെ തിരുനാൾ മഹോത്സവത്തിന് സമാപനമായി. തിരുനാൾ സമാപന ദിനമായ ഒക്ടോബർ 22 വ്യാഴാഴ്ച ഇടവക വികാരി റവ.ഡോ. ജെറോം ചിങ്ങന്തറയുടെ മുഖ്യകാർമികത്വത്തിൽ ആഘോഷമായ തിരുനാൾ ദിവ്യബലിയും, തുടർന്ന് വിശുദ്ധ അമ്മത്രേസ്യയുടെ നൊവേനയും ദിവ്യകാരുണ്യ ആരാധനയും ഉണ്ടായിരുന്നു. സഹവികാരി ഫാ.ജോസഫ് അനിൽ വചനപ്രഘോഷണം നടത്തി.
22 വ്യാഴാഴ്ച രാവിലെ 7 മണിക്ക് ഫാ.ജോസ് യേശുദാസിന്റെ മുഖ്യകാർമികത്വത്തിൽ ദിവ്യബലിയും വിശുദ്ധ അമ്മത്രേസ്യയുടെ നൊവേനയും ഉണ്ടായിരുന്നു. തിരുനാൾദിന സമാപന ദിവ്യബലിക്ക് ശേഷം വി.അമ്മത്രേസ്യയുടെ അൽഭുത തിരുസ്വരൂപം വഹിച്ചുകൊണ്ടുള്ള പ്രദക്ഷിണവും നടന്നു. കോവിഡ് 19 പ്രോട്ടോകോൾ പാലിച്ചുകൊണ്ട് നടത്തിയ പ്രതിക്ഷണത്തിന് ശേഷം വിശുദ്ധ അമ്മത്രേസ്യയുടെ തിരുസ്വരൂപം ഉച്ചയ്ക്ക് 2 മണിയോട് കൂടി രഹസ്യ അറയിലേക്ക് മാറ്റപ്പെട്ടു.
തുടർന്ന്, ഇടവക വികാരിയുടെ നേതൃത്വത്തിൽ തിരുനാൾകൊടി ഇറക്കിയതോടുകൂടിയാണ് തിരുനാളിന് ഔദ്യോഗിക സമാപനമായത്. കോവിഡിന്റെ പശ്ചാത്തലത്തിൽ തിരുനാൾ ആഘോഷങ്ങൾക്ക് ക്രമീകരണങ്ങൾ ചെയ്തത് ഇടവക വികാരി ഫാ.ജെറോം ചിങ്ങന്തറയുടെ നേതൃത്വത്തിൽ സഹവികാരി ഫാ.ജോസഫ് അനിലും, ഡീക്കൻ ആന്റെണി തോമസും, പാരിഷ് കൗൺസിൽ സെക്രട്ടറി സജി സാമുവേലും, പാരിഷ് കൗൺസിൽ അംഗങ്ങളുമായിരുന്നു.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.