കട്ടയ്‌ക്കോട്‌ ; കുഞ്ഞിലേ മാതാപിതാക്കള്‍ നഷ്‌ടപ്പെട്ട ഈഴക്കോട്‌ സ്വദേശി ക്രൈഷന്‌ അന്തിയുറങ്ങാന്‍ ഈഴക്കോട്‌ ഇടവകയുടെ സ്‌നേഹഭവനം . ഈഴക്കോട്‌ സെയ്ന്റ് ലിയോ പോള്‍ഡ്‌ ദൈവാലയത്തിലെ കെഎല്‍സിഎ ,കെസിവൈഎം സംഘടനകളുടെ പരിശ്രമമാണ്‌ മഹത്തായ ഈ സംരഭം വിജയത്തിലെത്തിക്കാന്‍ സഹായകമായത്‌. മാതാപിതാക്കള്‍ നഷ്‌ടമായ ക്രൈഷന്‌ രണ്ടു സഹോദരങ്ങളുണ്ട്‌ . കാരുണ്യ വര്‍ഷത്തില്‍ ആരംഭിച്ച ഭവന പദ്ധതിയാണ്‌കഴിഞ്ഞ ദിവസം പൂര്‍ത്തീകരിച്ച്‌ താക്കോല്‍ കൈമാറിയത്‌.

സംഘടനകള്‍ക്കൊപ്പം ഇടവകാ വിശ്വാസികളും നാട്ടുകാരും നിര്‍മ്മാണ പ്രവര്‍ത്തനങ്ങളില്‍ പങ്കാളികളായി . ഭവനത്തിന്റെ താക്കോല്‍ദാനം നെയ്യാറ്റിന്‍കര രൂപതാ മീഡിയാ ഡയറക്‌ടര്‍ ഡോ.ജെ.ആര്‍ ജയരാജ്‌ നിര്‍വ്വഹിച്ചു. ഭവന നിര്‍മ്മാണം പൂര്‍ത്തീകരിക്കാനായി അക്ഷീണം പ്രവര്‍ത്തിച്ച ടി.ജി പ്ലാസിസ്‌, വിവേക്‌ അനീഷ്‌, ലതിക തുടങ്ങിവരെയും മറ്റു കെ. എൽ. സി. ഏ., കെ. സി. വൈ. എം. അംഗങ്ങളെയും  ഇടവക കൗൺസിലിനേയും ഈ പദ്ധതിയുമായി സഹകരിച്ച എല്ലാപേരെയും  ഇടവക വികാരി ഫാ.ഏ. എസ്‌.  പോള്‍ അനുമോദിച്ചു.