ജോസ് മാർട്ടിൻ
കൊല്ലം: നിയമസഭാ തിരഞ്ഞെടുപ്പിൽ മത്സ്യതൊഴിലാളി പ്രധിനിധികളെ മത്സരിപ്പിക്കണമെന്ന ആവശ്യവുമായി കൊല്ലം രൂപതാ മെത്രാൻ ആന്റണി മുല്ലശ്ശേരി. കൊല്ലം രൂപതയിൽ കേരള ലാറ്റിൻ കാത്തലിക് അസോസിയേഷൻ (കെ.എൽ.സി.എ.) നേതൃത്വ സമ്മേളനം ഉദ്ഘാടനം ചെയ്തു സംസാരിക്കുയായിരുന്നു ബിഷപ്പ്. പ്രത്യേകിച്ച് കടലോര, ഉൾനാടൻ മത്സ്യതൊഴിലാളികളുടെ പ്രധാന കേന്ദ്രമായ കൊല്ലം നിയമസഭാ മണ്ഡലം അവർക്കായി നീക്കി വെക്കണമെന്നും, മത്സ്യബന്ധന മേഖലയിലെ ഗുരുതര വിഷയങ്ങൾ ഉയർത്തി പ്രക്ഷോഭങ്ങൾ നടത്തുന്ന രാഷ്ട്രീയപാർട്ടികളെങ്കിലും ഈ കാര്യത്തിൽ ആത്മാർത്ഥമായ സമീപനം കാട്ടണമെന്നും കൊല്ലം രൂപതാ അധ്യക്ഷൻ പറഞ്ഞു.
കേരളത്തിലെ മത്സ്യതൊഴിലാളി സമൂഹം ഏറെ ആശങ്കകളും പ്രതിസന്ധികളും അനുഭവിക്കുന്ന കാലത്ത് നടക്കുന്ന തിരഞ്ഞെടുപ്പ് ഈ സമൂഹം വളരെ പ്രതീക്ഷയോടെ നോക്കി കാണുന്നതെന്നും, നിയമനിർമാണ സഭകളിലും, അധികാരകേന്ദ്രങ്ങളിലും മത്സ്യതൊഴിലാളി സമൂഹത്തിന്റെ സ്വരമെത്താത്തിടത്തോളം അവരുടെ ദയനീയ സ്ഥിതികൾക്ക് മാറ്റമുണ്ടാവില്ലെന്ന യാഥാർഥ്യത്തിന്റെ അടിസ്ഥാനത്തിലാണ് ഈ വരുന്ന തിരഞ്ഞെടുപ്പിൽ മത്സ്യതൊഴിലാളികളുടെ പ്രധിനിധികളെ കൂടി മത്സരിപ്പിക്കാൻ മുഖ്യധാര രാഷ്ട്രീയ പ്രസ്ഥാനങ്ങൾ താല്പര്യം കാട്ടണമെന്ന് ബിഷപ്പ് ആവശ്യപ്പെട്ടത്.
സമുദായത്തിന്റെ അടിസ്ഥാന ജനവിഭാഗമായ മത്സ്യത്തൊഴിലാളി സമൂഹം അനുഭവിക്കുന്ന യാതനകൾക്ക് കാരണമാകുന്ന വിഷയങ്ങൾ പരിഹരിക്കുന്നതിനാവശ്യമായ ഇടപെടലുകൾ സമുദായ നേതൃത്വത്തിൽനിന്നും, അല്മായ സമൂഹത്തിൽനിന്നും ഉണ്ടാവണമെന്നും ബിഷപ്പ് ആഹ്വാനം ചെയ്തു.
കെ.എൽ.സി.എ. കൊല്ലം രൂപതാ പ്രസിഡന്റ് അനിൽ ജോണിന്റെ അധ്യക്ഷതയിൽ ചേർന്ന സമ്മേളനത്തിൽ രൂപതാ ഡയറക്ടർ ഫാ.ജോർജ് സെബാസ്റ്റ്യൻ, ലെസ്റ്റർ കാർഡോസ്, തോമസ് ആന്റണി, അജു ബി. ദാസ് തുടങ്ങിയവർ സംസാരിച്ചു.
കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Click to join Catholiocvox Whatsapp group
കാത്തലിക് വോക്സിന്റെ സിഗ്നൽ ആപ്പ് ഗ്രൂപ്പിൽ ചേരുവാനായീ ക്ലിക്ക് ചെയ്യുക
കൂടുതൽ വീഡിയോകൾ കാണുന്നതിന് കാത്തലിക് വോക്സിന്റെ യുട്യൂബ് ചാനൽ ക്ലിക്ക് ചെയ്യുക
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.