സ്വന്തം ലേഖകൻ
ദുബായ്: ദൈവകരുണയുടെ ആഘോഷത്തിനായി സോഫ്ട് റോക്ക് ശൈലിയിലുള്ള ഹൃദയ സ്പർശിയായ കരുണയുടെ ഗാനം പുറത്തിറങ്ങുന്നു. പുതുഞായറാഴ്ചയും ദൈവ കരുണയുടെ ഞായറുമായ നാളെ (ഏപ്രിൽ 11) റേഡിയോ ആഞ്ചലോസിലൂടെയാണ് “നീ മാത്രം എന്റെ ദൈവം” എന്ന ഗാനം കേൾവിക്കാരിലേക്കെത്തുന്നത്. ഗാനം കേൾക്കാൻ: https://radioangelos.org/nee-matram-ente-daivam-song/
വിശുദ്ധ ജോൺ പോൾ രണ്ടാമൻ പാപ്പാ പറഞ്ഞതുപോലെ “ക്രൂശിക്കപ്പെട്ട ക്രിസ്തുവിന്റെ ഹൃദയത്തിലൂടെ ദൈവകാരുണ്യം മനുഷ്യരിലേക്ക് എത്തുന്നു”. ദൈവകാരുണ്യ ഞായറാഴ്ച ആഘോഷിക്കുവാൻ സഭയും വിശ്വാസികളും തയ്യാറാകുമ്പോൾ, ‘യേശുവേ, ഞാൻ നിന്നിൽ വിശ്വസിക്കുന്നു, ഞങ്ങളോടും ലോകത്തോടും കരുണയായിരിക്കണമേ’ എന്ന സന്ദേശം മുൻനിർത്തി കൊണ്ടാണ് “നീ മാത്രം എന്റെ ദൈവം” എന്ന ഈ ക്രിസ്ത്യൻ ഭക്തി ഗാനം കേൾവിക്കാരെ സമീപിക്കുന്നത്.
മാനുഷിക കുറവുകൾക്കിടയിലും ദൈവകരുണയുടെ ആഴം തേടുന്നതാണ് ഗാനത്തിന്റെ പ്രധാന പ്രമേയമെന്നും, ക്രിസ്തുവിന്റെ പീഡാസഹനം, മരണം, ഉത്ഥാനം എന്നിവയിലൂടെ നൽകപ്പെടുന്ന ദൈവകരുണയുടെയും ദൈവസ്നേഹത്തിന്റെയും പ്രയോക്താക്കളാകുവാൻ ഓരോരുത്തരെയും സ്വാഗതം ചെയ്യുകയാണ് ഗാനത്തിന്റെ ലക്ഷ്യമെന്ന് ഗാനത്തിന്റെ വരികൾ എഴുതി സംഗീതമൊരുക്കിയിരിക്കുന്ന ബിക്കി പോൾ പറഞ്ഞു.
പ്രശസ്ത പിന്നണി ഗായകനും വേറിട്ട ശബ്ദസാന്നിധ്യവുമായ ഫ്രാങ്കോ സൈമണാണ് ഗാനം ആലപിച്ചിരുക്കുന്നത്. ബിക്കി പോൾ വരികൾ എഴുതി സംഗീതമൊരുക്കിയിരിക്കുന്നു. റോബിൽ റാഫേലാണ് പ്രോഗ്രാമിങ് നിർവ്വഹിച്ചിരിക്കുന്നത്. മിക്സിങ്ങും മാസ്റ്ററിങ്ങും ജെയിംസ് ജെ.(സൗണ്ട് ക്ലിനിക്ക്) യും ചെയ്തിരിക്കുന്നു. ഹോളി ഡ്രോപ്സ് പ്രൊഡക്ഷൻസ് ബാനറിൽ ഹോളി ഡ്രോപ്സ് സംരംഭമാണ് ഗാനത്തിന്റെ നിർമാണം നടത്തിയിരിക്കുന്നത്. 2021 ഏപ്രിൽ 11-ന് റേഡിയോ ആഞ്ചലോസിലൂടെ പുറത്തെത്തുന്ന ഗാനം, ഏറെ താമസിക്കാതെ ഹോളി ഡ്രോപ്സ് യുട്യൂബ് ചാനലിൽ ദൃശ്യാവിഷ്ക്കാരത്തിലൂടെയും പുറത്തിറങ്ങും.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.