അനില്‍ ജോസഫ്

കോട്ടയം ; എം എസ് എഫ് എസ് സഭയിലെ മുതിര്‍ന്ന വൈദികനും തെക്കന്‍ കേരളത്തില്‍ ഏറെക്കാലം അജപാലന ദൗത്യം നിര്‍വ്വഹിച്ച വൈദികനുമായ ഫാ.വര്‍ഗ്ഗീസ് പുതുപറമ്പില്‍ എംഎസ്എഫ്എസ് (73) നിര്യാതനായി.

ഏറ്റുമാനൂരിലെ എംഎസ്എഫ്എസ് സെമിനാരിയില്‍ വിശ്രമ ജീവിതം നയിക്കുമ്പോഴായിരുന്നു അന്ത്യം. കാഞ്ഞിരപ്പളളി ചിറക്കാട് സ്വദേശിയായ അച്ചന്‍ ചിറക്കാട് വിശുദ്ധ എഫ്രേം ഇടവകാഗമാണ്.1942 ല്‍ ജനിച്ച അച്ചന്‍ 1974 ഡിസംബര്‍ 28 നാണ് പൗരോഹിത്യം സ്വീകരിച്ചത്.

13 വര്‍ഷത്തോളം പുനലൂര്‍ രൂപതയിലും 12 വര്‍ഷം നെയ്യാറ്റിന്‍കര രൂപതയിലും സേവനമനുഷിടിച്ച അച്ചന്‍ നെയ്യാറ്റിന്‍കര രൂപതയിലെ അമ്മാനിമല ക്രിസ്രാജ ദേവാലയത്തില്‍ സേവനം ചെയ്യ്ത് വരുമ്പോള്‍ അസുഖബാധിതനാവുകയും തിരുവനന്തപുരം വട്ടിയൂര്‍ക്കാവിലെ സഭയുടെ ഹൗസിലും തുടര്‍ന്ന് ഏറ്റുമാനൂര്‍ എം എസ് എഫ് എസ് സെമിനാരിയിലും വിശ്രമ ജീവിതം നയിച്ചാണ് വിടപറയുന്നത് .

സഭയുടെ നേതൃത്വത്തില്‍ നിരവധി സ്ഥാനങ്ങള്‍ ഉണ്ടായിരുന്നിട്ടും ഇടവക ജനത്തോടൊപ്പം അജപാല ദൗത്യം നിറവേറ്റാനാണ് അച്ചന്‍ ഏറെ ഇഷ്ടപെട്ടിരുന്നത്.

അച്ചന്‍റെ സംസ്കാര ചടങ്ങുകള്‍ നാളെ (07 09 2021) രാവിലെ 10 ന് ഏറ്റുമാനൂര്‍ എം എസ് എഫ് എസ് സെമിനാരിയില്‍ നടക്കും.