അനിൽ ജോസഫ്

നെയ്യാറ്റിന്‍കര: നെയ്യാറ്റിന്‍കര രൂപതയുടെ ഭദ്രാസന ദേവാലയമായ അമലോത്ഭവമാതാ കത്തീഡ്രല്‍ ദേവാലയ തിരുനാളിന് തുടക്കമായി. ഇടവക വികാരി മോണ്‍.അല്‍ഫോണ്‍സ് ലിഗോറി കൊടിയേറ്റ് കര്‍മ്മത്തിന് മുഖ്യകാര്‍മ്മികത്വം വഹിച്ചു. തിരുനാള്‍ ദിനങ്ങളില്‍ തിരുവനന്തപുരം, നെയ്യാറ്റിന്‍കര രൂപതകളിലെ വിവിധ വൈദികര്‍ തിരുകര്‍മ്മള്‍ക്ക് നേതൃത്വം നല്‍കും.

11- ാം തിയതി ശനിയാഴ്ച ദിവ്യബലിക്ക് ശേഷം തിരുസ്വരൂപ പ്രദക്ഷിണം നടക്കും. 12-ന് രാവിലെ 9 ന് നടക്കുന്ന പൊന്തിഫിക്കല്‍ ദിവ്യബലിക്ക് നെയ്യാറ്റിന്‍കര രൂപതാ ബിഷപ്പ് ഡോ.വിന്‍സെന്റ് സാമുവല്‍ മുഖ്യ കാര്‍മ്മികത്വം വഹിക്കും.

കോവിഡ് പ്രോട്ടോക്കോളുകള്‍ കര്‍ശനമായി പാലിച്ചായിരിക്കും അഘോഷങ്ങളെന്ന് കത്തീഡ്രല്‍ പാരിഷ് കൗണ്‍സിലും ഇടവക വികാരിയും അറിയിച്ചു.