അനില് ജോസഫ്
നാഗര്കോവില് : ദേവസഹായം പിളള മരിച്ച് വീണമണ്ണില് വിശ്വാസ ലക്ഷങ്ങള് അണി നിരന്നു. ഭാരതത്തിന്റെ ആദ്യ അല്മായ രക്ത സാക്ഷിക്ക് മൂന്ന് നൂറ്റാണ്ടുകള്ക്കിപ്പുറം ചുടുനിണം വീണ മണ്ണില് തന്നെ കൃതജ്ഞതാബലി.
ഭാരത്തിന്റെ ആദ്യ അല്മായ രക്തസാക്ഷി വിശുദ്ധ ദേവസഹായം പിളളക്ക് വേണ്ടിയുളള ഭാരതസഭയുടെ കൃതജ്ഞതാബലി വിശുദ്ധന് രക്തസാക്ഷിത്വം വഹിച്ച കാറ്റാടിമലയില് നടന്നു. കാറ്റാടിമല ദേവസഹായം മൗണ്ടിന് സമീപത്തില് പ്രത്യേകം സജ്ജീകരിച്ച ഗ്രൗണ്ടിലാണ് കൃതജഞതാബലി ഒരുക്കിയത്.
കോട്ടാര്, കുഴിത്തുറ രൂപതകള് സംയുക്തമായി സംഘടിപ്പിച്ച കൃതജ്ഞതാബലിയില് വിവിധ രൂപതകളില് നിന്ന് 1 ലക്ഷത്തിലധികം വിശ്വാസികളും തീര്ഥാടകരും പങ്കെടുത്തു. ഭാതരത്തിലെ വത്തിക്കാന് സ്ഥാനപതി ആര്ച്ച് ബിഷപ്പ് ലിയോപോള്ഡോ ജിലേരി, സിബിസിഐ പ്രസിഡന്് കര്ദിനാള്ഡ് ഓസ്വാള്ഡ് ഗ്രേഷ്യസ് , സീറോ മലബാര്സഭയുടെ പരമാധ്യക്ഷന് കര്ദിനാള് മാര് ജോര്ജ്ജ് ആലഞ്ചേരി, ഗോവ ദാമന് മെട്രോപോളിറ്റന് ആര്ച്ച് ബിഷപ്പും നിയുക്ത കര്ദിനാളുമായ ഫിലിപ്പ് നേരി ഫൊറോറോ , മദ്രാസ് മൈലാപ്പൂര് ആര്ച്ച് ബിഷപ്പും തമിഴ്നാട് ബിഷപ്പ്സ് കൗണ്സില് പ്രസിഡന്റുമായ ആര്ച്ച് ബിഷപ്പ് ജോര്ജ്ജ് അന്തോണി സ്വാമി, തിരുവനന്തപുരം അതിരൂപതാ ആര്ച്ച് ബിഷപ്പ് തോമസ് ജെ നെറ്റോ തുടങ്ങിയവര് മുഖ്യാതിഥികളായി പങ്കെടുത്തു.
കൂടാതെ കേരളത്തില് നിന്നുള്പ്പെടെ 50 തിലധികം ബിഷപ്പുമാരും ചടങ്ങുകളില് പങ്കെടുത്തു.ഇന്നലെ ഉച്ചതിരിഞ്ഞ് 2.30 തോടെ വിവിധ കലാപരിപാടികളോടെ ആരംഭിച്ച പരിപാടയില് ആദ്യവസാനം വിശ്വാസ സാഗരം പങ്കുചേര്ന്നു.കൃതജ്ഞതാ ബലിക്ക് മദ്രസ് മൈലാപ്പൂര് ആര്ച്ച് ബിഷപ്പ് ജോര്ജ്ജ് അന്തോണി സ്വാമി മുഖ്യ കാര്മ്മികത്വം വഹിച്ചു. ശിവഗംഗ മുന് ബിഷപ്പ് ഡോ.സൂസൈമാണിക്യം വചന സന്ദേശം നല്കി.
ദിവ്യബലിക്കായി പ്രത്യേകം പന്തലും വിശ്വാസികള്ക്കായി 3 പടുകൂറ്റന് പന്തലുകളുമാണ് ക്രമികരിച്ചിരിക്കുന്നത്. ദിവ്യബലിയില് കോട്ടാര് കുഴിത്തുറ രൂപതകളിലെ 65 ഗായകര് അണി നിരന്നു.
പെസഹാ കാലം ആറാം ഞായർ "പിതാവ് എന്നെ സ്നേഹിച്ചതു പോലെ ഞാനും നിങ്ങളെ സ്നേഹിച്ചു. നിങ്ങൾ എന്റെ സ്നേഹത്തിൽ നിലനിൽക്കുവിൻ"…
സ്വന്തം ലേഖകന് റോം : ഇന്നലെ വൈകുന്നേരം 4 മണിക്ക് റോമിലെ ബസിലിക്ക ഓഫ് ഹോളി ക്രോസിലേക്കുള്ള അവന്യൂവില്…
സ്വന്തം ലേഖകന് വത്തിക്കാന് സിറ്റി : അഗ്ളിക്കന് ബിഷപ്പ് ജസ്റ്റിന് വെല്വിയുമായി ഫ്രാന്സിസ് പാപ്പ കൂടികാഴ്ച നടത്തി. നമ്മെ ഒരിക്കലും…
സ്വന്തം ലേഖകന് വത്തിക്കാന് സിറ്റി : ആഗോള പ്രാര്ത്ഥനാ ശൃംഖല വഴിയായി ഫ്രാന്സിസ് പാപ്പായുടെ മെയ് മാസത്തേക്കുള്ള പ്രാര്ത്ഥനാനിയോഗം അടങ്ങിയ…
അനില് ജോസഫ് വത്തിക്കാന് സിറ്റി : മാതാവിന്റെ വണക്കമാസത്തില് വത്തിക്കാന് ഗാര്ഡനിലേക്ക് തീര്ഥാടകര്ക്ക് സ്വാഗതം. വത്തിക്കാന് ഗാര്ഡനിലെ ലൂര്ദ്ദ്…
സ്വന്തം ലേഖകന് വത്തിക്കാന് സിറ്റി: ഏപ്രില് മാസം ഇരുപത്തിമൂന്നു മുതല് ഇരുപത്തിയഞ്ചു വരെ അബുദാബിയില് വച്ചു നടന്ന മുതിര്ന്ന…
This website uses cookies.