ജോസ് മാർട്ടിൻ

സുൽത്താൻപേട്ട്: തീരവാസികളുടെ ജീവിക്കാനുള്ള അവകാശങ്ങൾക്ക്‌ വേണ്ടി തിരുവനന്തപുരത്ത് ലത്തീൻ അതിരൂപതയുടെ നേതൃത്വത്തിൽ നടന്നു വരുന്ന അതിജീവന സമരങ്ങൾക്ക് ഐക്യദാർഢ്യം പ്രഖ്യാപിച്ചുകൊണ്ട് സുൽത്താൻപേട്ട് രൂപത. ഒലവക്കോട് വിശുദ്ധ അന്തോണീസ് ഇടവകയിൽ ഫാ. ജോസ് മെജോ നെടുംപറമ്പിലിന്റെ അദ്ധ്യക്ഷതയിൽ ചേർന്ന യോഗം പഞ്ചായത്ത് മെമ്പർ ശ്രീമതി സ്മിതം ഉത്ഘാടനം ചെയ്തു.

തീരവാസികളുടെ ജീവിക്കാനുള്ള അവകാശങ്ങൾ നിഷേധിക്കരുതെന്നും, ജീവനും തൊഴിലിനും സംരക്ഷണം നൽകണമെന്നുമാവശ്യപ്പെട്ട് കൊണ്ട് തീരദേശ ജനത സമരം ചെയ്യുമ്പോൾ എത്രയും പെട്ടെന്ന് ഇവരുടെ പ്രശ്നങ്ങൾക്ക് പരിഹാരം കാണാൻ സർക്കാർ തയ്യാറാകണമെന്നും, പ്രളയകാലത്ത് കേരളത്തിന്റെ സ്വന്തം സൈന്യമെന്ന് വിശേഷിപ്പിച്ച മത്സ്യതൊഴിലാളികളുടെ ആവശ്യങ്ങൾക്ക് വേണ്ടി കേരള മനസാക്ഷി ഉണരണമെന്നും യോഗം ആവശ്യപ്പെട്ടു.