സ്വന്തം ലേഖകൻ
കൊല്ലം: ദൈവദാസൻ ബിഷപ്പ് ജെറോമിന്റെ പിൻഗാമിയായി 1978 മുതൽ 2001 വരെ കൊല്ലം രൂപതയെ നയിച്ച ബിഷപ്പ് ജോസഫ് ഗബ്രിയേൽ ഫെർണാണ്ടസ് കാലംചെയ്തു, 97 വയസായിരുന്നു. ഇന്ന് (04/03/2023) രാവിലെ 9:30-ന് കൊല്ലം ബിഷപ്പ് ബെൻസിഗർ ഹോസ്പിറ്റലിൽ വച്ചായിരുന്നു അന്ത്യം. മൃതസംസ്ക്കാരകർമ്മം തിങ്കളാഴ്ചയാണ് നടക്കുക.
ബിഷപ്പിന്റെ ഭൗതികശരീരം ഉമയനല്ലൂറിൽ അദ്ദേഹം താമസിച്ചിരുന്ന വസതിയിലാണ് ഇപ്പോൾ. വൈകിട്ട് മൂന്നുമണിക്ക് നടക്കുന്ന പ്രത്യേക ദിവ്യബലിയർപ്പണത്തിന് ശേഷം നഗരി കാണിക്കൽ യാത്രയോടെ ഭൗതികശരീരം കൊല്ലം മെത്രാസന മന്ദിരത്തിൽ എത്തിക്കും. അവിടെ നടത്തപ്പെടുന്ന പ്രാർത്ഥനകൾക്ക് ശേഷം തങ്കശ്ശേരി ഇൻഫന്റ് ജീസസ് കത്തീഡ്രൽ ദേവാലയത്തിലേക്ക് കൊണ്ടുപോകും. പൊതുദർശനത്തിനായുള്ള സൗകര്യം ഒരുക്കിയിരിക്കുന്നത് അവിടെയാണ്.
ഞായറാഴ്ച പൂർണ്ണമായും ദുഃഖാചരണ ദിനമായിരിക്കുമെന്നും, പള്ളികളിൽ പ്രത്യേക പ്രാർത്ഥനകൾ നടത്തപ്പെടുമെന്നും കൊല്ലം രൂപത അറിയിക്കുന്നു.
തിങ്കളാഴ്ച്ച രാവിലെ 10 മണിക്ക് തങ്കശേരി ഇൻഫന്റ് ജീസസ് കത്തീഡ്രലിൽ ആരംഭിക്കുന്ന മൃതസംസ്കാരകർമ്മ സമൂഹദിവ്യബലിയ്ക്ക് കൊല്ലം രൂപതാ മെത്രാൻ പോൾ ആന്റെണി മുല്ലശ്ശേരി മുഖ്യകാർമികനാകും. കേരളത്തിലെ മൂന്ന് റീത്തുകളിലുമുള്ള മെത്രാന്മാരും വൈദീകരും സന്യസ്തരും അല്മായരും പങ്കെടുക്കും.
1949 മാർച്ച് 19-ന് പൗരോഹിത്യം സ്വീകരിച്ച പിതാവിന്റെ മെത്രാഭിക്ഷേകം 1978 മെയ് 14-നായിരുന്നു.
പെസഹാ കാലം ആറാം ഞായർ "പിതാവ് എന്നെ സ്നേഹിച്ചതു പോലെ ഞാനും നിങ്ങളെ സ്നേഹിച്ചു. നിങ്ങൾ എന്റെ സ്നേഹത്തിൽ നിലനിൽക്കുവിൻ"…
സ്വന്തം ലേഖകന് റോം : ഇന്നലെ വൈകുന്നേരം 4 മണിക്ക് റോമിലെ ബസിലിക്ക ഓഫ് ഹോളി ക്രോസിലേക്കുള്ള അവന്യൂവില്…
സ്വന്തം ലേഖകന് വത്തിക്കാന് സിറ്റി : അഗ്ളിക്കന് ബിഷപ്പ് ജസ്റ്റിന് വെല്വിയുമായി ഫ്രാന്സിസ് പാപ്പ കൂടികാഴ്ച നടത്തി. നമ്മെ ഒരിക്കലും…
സ്വന്തം ലേഖകന് വത്തിക്കാന് സിറ്റി : ആഗോള പ്രാര്ത്ഥനാ ശൃംഖല വഴിയായി ഫ്രാന്സിസ് പാപ്പായുടെ മെയ് മാസത്തേക്കുള്ള പ്രാര്ത്ഥനാനിയോഗം അടങ്ങിയ…
അനില് ജോസഫ് വത്തിക്കാന് സിറ്റി : മാതാവിന്റെ വണക്കമാസത്തില് വത്തിക്കാന് ഗാര്ഡനിലേക്ക് തീര്ഥാടകര്ക്ക് സ്വാഗതം. വത്തിക്കാന് ഗാര്ഡനിലെ ലൂര്ദ്ദ്…
സ്വന്തം ലേഖകന് വത്തിക്കാന് സിറ്റി: ഏപ്രില് മാസം ഇരുപത്തിമൂന്നു മുതല് ഇരുപത്തിയഞ്ചു വരെ അബുദാബിയില് വച്ചു നടന്ന മുതിര്ന്ന…
This website uses cookies.