ജോസ് മാർട്ടിൻ

ആലുവ: ആലപ്പുഴ രൂപതാംഗം ഫാ. ഷൈജു ചിറയിലിനെ കേരള റീജൻ ലത്തീൻ കത്തോലിക്കാ മെത്രാൻ സമിതിയുടെ ലഹരി വിരുദ്ധ സമിതി സെക്രട്ടറിയായി നിയമിച്ചു. മൂന്ന് വർഷത്തേക്കാണ് നിയമനം.

ആലപ്പുഴ രൂപതയിലെ മരാരിക്കുളം വി.അഗസ്റ്റിൻ പള്ളി ഇടവക അംഗമായ ചിറയിൽ ജോണിന്റെ മകനായി 1980 ഒക്ടോബർ നാലാം തിയതി ജനിച്ചു. 2008-ൽ പൗരോഹിത്യം സ്വീകരിച്ചു.

ആലപ്പുഴ രൂപതയിലെ മായിത്തറ തിരുഹൃദയ പള്ളി വികാരിയായി സേവനം അനുഷ്ടിച്ചു വരുന്ന ഇദ്ദേഹം ആലപ്പുഴ രൂപതാ പ്രവാസി കമ്മീഷൻ ഡയറക്ടർ, രൂപതയുടെ തിബേരിയാസ് സ്നേഹതീരം ഡി അഡിക്ഷൻ സെന്റർ ഡയറക്ടർ, അതോടൊപ്പം ദൈവകരുണയുടെ പ്രചാരണാർത്ഥമുള്ള ഗോഡ്സ് ഓൺ വിഷൻ അൺലിമിറ്റഡ് എന്ന ആത്മീയ മുന്നേറ്റത്തിന് നേതൃത്വവും നൽകി വരുന്നു.