നെയ്യാറ്റിന്‍കര ; നമ്മുടെ ജീവിതത്തിലെ കുന്നുകളെ ഇടിച്ച്‌ നിരപ്പാക്കി ജീവിതത്തിലെ കുഴികള്‍ നികത്തി സമതല പ്രദേശം ഉണ്ടാക്കണം. ജീവിതത്തിലെ കുന്നുകളാണ്‌ അഹങ്കാരവും സ്വാര്‍ഥതയും തന്നിഷ്‌ടവും ഭിന്ന പ്രവര്‍ത്തികളുമെല്ലാം ജീവിതത്തിലെ കുഴികളാണ്‌ ദുഖങ്ങളും പാപങ്ങളും വേദനകളും ഇവയെല്ലാം ഈ ക്രിസ്‌മസ്‌ കാലയളവില്‍ പരിഹരിക്കപ്പെടണം .

ക്രിസ്‌മസ്‌ നമ്മുടെ ജീവിതത്തില്‍ മാറ്റങ്ങളുടെ പുതിയ യുഗമുണ്ടാക്കണം . കാരുണ്യത്തിന്റെയും അനുകമ്പയുടെയും പുതുയുഗത്തിലേക്ക്‌ നമുക്ക്‌ ഉണ്ണിയേശുവിനൊപ്പം പിച്ചവക്കാന്‍ കഴിയണം . ക്രിസ്‌മസ്‌ പാതിരാ ദിവ്യബലിയില്‍ വചന സന്ദേശം നല്‍കുകയായിരുന്നു അഭിവന്ദ്യ പിതാവ്‌ രൂപതാ വികാരി ജനറല്‍ മോണ്‍. ജി.ക്രിസ്‌തുദാസ്‌ , മോണ്‍. വി.പി ജോസ്‌ തുടങ്ങിയവര്‍ നെയ്യാറ്റിന്‍കര അമലോത്ഭവമാതാ കത്തീഡ്രലില്‍ നടന്ന പാതിരാ കുര്‍ബാനക്ക്‌ സഹകാര്‍മ്മികരായി