ബാലരാമപുരം: നെയ്യാറ്റിൻകര ലത്തീൻ രൂപതക്ക്‌ കീഴിലെ പുനർനിർമ്മാണം പൂർത്തീകരിച്ച അത്താഴമംഗലം വിശുദ്ധ പത്രോസ്‌ ശ്ലീഹാ ദേവാലയം ആശീർവദിച്ചു . നെയ്യാറ്റിൻകര രൂപതാ ബിഷപ്‌ ഡോ.വിൻസെന്റ്‌ സാമുവൽ ആശീർവാദകർമ്മങ്ങൾ ക്ക്‌ മുഖ്യ കാർമ്മികത്വം വഹിച്ചു. തുടർന്ന്‌ ബിഷപിന്റെ മുഖ്യകാർമികത്വത്തിൽ ആഘോഷമായ പൊന്തിഫിക്കൽ ദിവ്യബലിയും നടന്നു.

നെയ്യാറ്റിന്‍കര റീജിയൻ കോ-ഓഡിനേറ്റർ മോൺസിഞ്ഞോർ വി.പി. ജോസ്‌, ബാലരാമപുരം ഫൊറോന വികാരി ഫാ. വല്‍സലന്‍ ജോസ്‌, മുൻ വികാരി ഫാ. ജോസഫ്‌ പെരേര, ചൊവ്വളളൂർ ഇടവക വികാരി ഫാ. ജെൻസണ് പൂവത്തിങ്കൽ, ഇടവക വികാരി ഫാ. വി. എൽ. പോൾ തുടങ്ങിയവർ പങ്കെടുത്തു.