സ്വന്തം ലേഖകൻ

ആലപ്പുഴ: ആലപ്പുഴ രൂപതയിലെ യുവ വൈദികൻ രാജു കാക്കരിയിൽ ( 40) മരാരിക്കുളത്ത് വച്ച് ബൈക്കപകടത്തിൽ അന്തരിച്ചു. വെട്ടക്കൽ സെൻറ് ആന്റണീസ് പള്ളിവികാരിയായിരുന്നു.

ഇന്ന് പുലർച്ചെആലപ്പുഴക്ക് അടുത്ത് മാരാരിക്കുളം കവലയിൽ വച്ച് ടോറസ് ലോറിയുമായി കൂട്ടിഇടിച്ചായിരുന്നു അപകടം.

ആലപ്പുഴ രൂപത സഹായമെത്രാൻ ജയിംസ് ആനാപ്പറമ്പിൽ പിതാവ് സംഭവമറിഞ്ഞ് ഉടൻ സ്ഥലത്തെത്തി.

അച്ചൻ തന്റെ വൈദികജീവിതം ആരംഭിച്ചത് ബിഷപ്പിന്‍റെ സെക്രടറി ആയി സേവനം അനുഷ്‌ടിച്ചുകൊണ്ടായിരുന്നു. മാരാരിക്കുളം, തുമ്പോളി, വണ്ടാനം, വടക്കൽ എന്നീ പള്ളികളിലും സേവനമനുഷ്‌ടിച്ചിട്ടുണ്ട്.

പ്രഗൽഭ സംഗീതജ്ഞനും സാത്വികനുമായിരുന്നു.
ഫാ. രാജു കാക്കരിയിൽ “കടൽ പാട്ടുകൾ” എന്ന സംഗീത ആൽബത്തിന് ഈണം പകർന്നിട്ടുണ്ട്, ലിറ്റർജി സംഗീതത്തിൽ പ്രാവീണ്യം നേടിയിട്ടുണ്ട്.

ബിഷപ്പ് ജെയിംസ് ആനപ്പറമ്പിൽ
ഫാ. രാജു കാക്കരിയിലിന്റെ വേർപാടിൽ ദുഃഖമറിയിച്ചു.  ഫാ രാജു കക്കരിയിലിന്റെ ശവസംസ്കാരം 8/06/2018 ന് തയ്ക്കൽ പള്ളിയിൽ.
ഉച്ചയ്ക്ക് 2.30-ന് ശവസംസ്കാരം ആരംഭിക്കും.
നാളെ രാവിലെ വെട്ടയ്ക്കൽ പള്ളിയിൽ നിന്നും മൃതദേഹം തൈക്കലിലെ വീട്ടിലേക്ക് കൊണ്ടുപോകും., ദുഃഖിതനായ കുടുംബാംഗങ്ങൾക്കും സുഹൃത്തുക്കൾക്കും ആലപ്പുഴ രൂപതയ്ക്കും വേണ്ടിയും  സഹായമെത്രാൻ ജയിംസ് ആനാപ്പറമ്പിൽ പിതാവ്പ്രാ ർത്ഥിക്കുവാൻ ആവശ്യപ്പെട്ടു.  പുന:രുത്ഥാനമെന്ന പ്രത്യാശയിൽ മുന്നോട്ടു പോകാമെന്ന് ആഹ്വാനം ചെയ്തു.