സ്വന്തം ലേഖകൻ

റായ്ഗഞ്ച്: പശ്ചിമ ബംഗാളിലെ റായ്ഗഞ്ച് രൂപതയുടെ അദ്ധ്യക്ഷനായി രൂപതാ വൈദികനായ ഫുൾജെൻസ് അലോഷ്യസ് നിയമിക്കപ്പെട്ടു.

റായ്ഗഞ്ച് രൂപതയുടെ നിയുക്തമെത്രാൻ തിഗ ബെത്തിയ രൂപതയുടെ വികാരി ജനറാളും ദൈവമാതാവിന്‍റെ നാമത്തിലുള്ള ഇടവകയിൽ വികാരിയുമായി സേവനമനുഷ്ഠിച്ചുവരികയായിരുന്നു.

ഗുംല രൂപതയിലെ കത്കഹിയിൽ 1965 മാർച്ച് 3- നായിരുന്നു ജനനം. വരാണസിയിലും ഭോപ്പാലിലുമായി, തത്വശാസ്ത്ര ദൈവശാസ്ത്ര പഠനങ്ങൾ പൂർത്തിയാക്കി. 1997 മാർച്ച് 3-ന് മുസ്സാഫർപൂർ രൂപതയ്ക്കുവേണ്ടി പൗരോഹിത്യം സ്വീകരിക്കുകയും പിന്നീട്, 1998- ൽ, സ്ഥാപിതമായ ബെത്തിയ രൂപതയിൽ ചേരുകയും ചെയ്തു.

അദ്ദേഹം വിവിധ ഇടവകകളിൽ വികാരി, രൂപതാ ദൈവവിളി സമിതിയുടെ മേധാവി, രൂപതാ ആരാധനാക്രമ സമിതിയുടെ അദ്ധ്യക്ഷൻ എന്നീ നിലകളിലും സേവനമനുഷ്ഠിച്ചിട്ടുണ്ട്.