സ്വന്തം ലേഖകന്
നെയ്യാറ്റിൻകര: നൂറ്റാണ്ടിന്റെ ചരിത്രമുറങ്ങുന്ന മരിയാപുരം പരിശുദ്ധ കര്മ്മലമാതാ ഇടവക കുടുബത്തിന് പുതിയ ദേവാലയം ആശീര്വദിച്ചു. കൊല്ലം മുന് ബിഷപ് സ്റ്റാന്ലി റോമന് ആശീര്വാദ കര്മ്മങ്ങള്ക്ക് മുഖ്യ കാര്മ്മികത്വം വഹിച്ചു.
ദേവാലയങ്ങള് പ്രാർത്ഥനയുടെ കേന്ദ്രമാകുമ്പോഴാണ് അത്മീയ ചൈതന്യത്തിന്റെ വരപ്രസാദം ഉണ്ടാവുകയെന്ന് ബിഷപ് സ്റ്റാന്ലി റോമന് പറഞ്ഞു. ദേവാലയത്തില് നിന്നുയരുന്ന പ്രാര്ത്ഥനാ മന്ത്രങ്ങള് നാടിന് ശാന്തിയും സാമാധാനവും പ്രധാനം ചെയ്യുമെന്നും ബിഷപ് കൂട്ടിച്ചേര്ത്തു.
ദേവാലയത്തിനുമുന്നില് പുതിയതായി പണികഴിപ്പിച്ച കൊടിമരം പാറശാല മലങ്കര രൂപതാ ബിഷപ് തോമസ് മാര് യൗസേബിയോസ് ആശീര്വദിച്ചു.
പൊന്തിഫിക്കല് ദിവ്യബലിക്ക് നെയ്യാറ്റിന്കര ബിഷപ് ഡോ. വിന്സെന്റ് സാമുവലും, വചന പ്രഘോഷണത്തിന് പുനലൂര് ബിഷപ് ഡോ. സിൽവിസ്റ്റര് പൊന്നുമുത്തനും നേതൃത്വം നല്കി.
നെയ്യാറ്റിന്കര രൂപതാ വികാരി ജനറല് മോണ്. ജി. ക്രിസ്തുദാസ്, പള്ളോട്ട്യന് സഭാ പ്രൊവിന്ഷ്യല് വര്ഗ്ഗീസ് പുല്ലന്, നെയ്യാറ്റിന്കര രൂപതാ രൂപതാ ജൂഡീഷ്യല് വികാര് ഡോ. സെൽവരാജന്, ഇടവക വികാരി ഫാ. ബനഡിക്ട് കണ്ണാടന് തുടങ്ങിയവര് സഹകാര്മ്മികരായി.
വൈകിട്ട് 4-ന് തന്നെ ദേവാലയത്തിന് മുന്നില് ബിഷപ്പുമാരെ സ്വീകരിച്ചു. തുടര്ന്ന് 4 ഘട്ടങ്ങളായി നടന്ന തിരുകര്മ്മങ്ങളില് ആയിരക്കണക്കിന് വിശ്വാസികളും നാട്ടുകാരും പങ്കെടുത്തു.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.