സ്വന്തം ലേഖകൻ

റോം: ഐക്യത്തിനും സമാധാനത്തിനുംവേണ്ടി 80 രാജ്യങ്ങളില്‍ 10 ലക്ഷം കുട്ടികള്‍ ഒക്ടോബര്‍ 18-ന് ജപമാലചൊല്ലി പ്രാര്‍ത്ഥിച്ചു. തിരുസഭയിലെ ആവശ്യത്തിലായിരിക്കുന്ന പ്രാദേശിക സഭകളെ സഹായിക്കുന്ന പൊന്തിഫിക്കല്‍ സ്ഥാപനമായ Aid to the Church in Need ന്റെ നേതൃത്വത്തിലായിരുന്നു ജപമാലയജ്ഞം.

ദൈവദൂഷണക്കുറ്റം ചുമത്തപ്പെട്ട് 2010-മുതല്‍ പാക്കിസ്ഥാനില്‍ ജയില്‍വാസം അനുഭവിക്കുന്ന വീട്ടമ്മ, ആസിയ ബീബിയുടെ സമാധാനപരമായ ജയില്‍വിമോചനത്തിനും സുരക്ഷയ്ക്കും വേണ്ടിയാണ്, ഏറെ പ്രത്രേകിച്ച് ലോകത്തെ 80 രാജ്യങ്ങളിലെ കുട്ടികള്‍ ഒക്ടോബര്‍ 18-ന് പ്രാര്‍ത്ഥിച്ചത്.

ആസീയ ബീബിയുടെ ഏറ്റവും ഇളയകുട്ടി ഐഷാമിന്‍റെ “തന്‍റെ അമ്മയ്ക്കുവേണ്ടി എല്ലാവരും പ്രാര്‍ത്ഥിക്കണം”, എന്ന അഭ്യര്‍ത്ഥ മാനിച്ചുകൊണ്ടായിരുന്നു, ലോകത്ത് ഐക്യവും സമാധാനവും ഉണ്ടാകാന്‍വേണ്ടിയുള്ള പ്രാർഥനയോടൊപ്പം, പ്രത്യേകിച്ച് ആസിയ ബീബിക്കുവേണ്ടി ജപമാല മാസമായ ഒക്ടോബര്‍ 18-Ɔο തിയതി വ്യാഴാഴ്ച ജപമാലചൊല്ലി പ്രാര്‍ത്ഥിച്ചത്.

പാക്കിസ്ഥാനിലെ ഗ്രാമത്തിലെ കിണറ്റില്‍ വെള്ളം കോരവെ മുസ്ലീം സത്രീകളുമായുണ്ടായ വാഗ്വാദത്തില്‍ ഇസ്ലാമിനെതിരെ ദൈവദൂഷണം പറഞ്ഞു എന്ന കുറ്റംചുമത്തിയാണ് 5 കുഞ്ഞുങ്ങളുടെ അമ്മയായ ആസീയ ബിബീയെ തടങ്കലില്‍ പാര്‍പ്പിച്ചിരിക്കുന്നത്. “ക്രിസ്തു എന്നെ പാപങ്ങളില്‍നിന്നു മോചിച്ചു, മെഹമ്മദ് എന്തുചെയ്തു?” എന്ന് കിണറ്റിന്‍ കരയിലെ സ്ത്രീകളോട് ആസിയ ബീബി ഉയര്‍ത്തിയ ചോദ്യത്തിന്മേല്‍ ഉണ്ടായ പരാതിയായിരുന്നു വീട്ടമ്മയെ ലാഹോറിലെ ജയിലില്‍ എത്തിച്ചത്.