സ്വന്തം ലേഖകൻ
റോം: 2016-ൽ കുട്ടികളെയും യുവജനങ്ങളെയും മുതിര്ന്നവരെയും ഒരുപോലെ സ്വാധീനിച്ച ‘പോക്ക്മോന് ഗോ’ എന്ന വീഡിയോ ഗെയിമിന്റെ പ്രത്യേകത, കളിയിൽ പങ്കെടുക്കുന്നവരുടെ വില്ലേജ്, നഗരം തുടങ്ങിയവ കണ്ടുപിടിക്കുകയായിരുന്നു. എന്നാൽ, പുതിയ ‘ഫോളോ ജെ സി ഗോ’ അഥവാ ‘ഫോളോ ജീസസ് ക്രൈസ്റ്റ് ഗോ’ എന്ന് പേരിട്ടിരിക്കുന്ന ഈ ഗെയിമിന്റെ പ്രത്യേകത പോക്ക്മോനെ പിന്തുടരുന്നതിന് പകരം, പ്രധാനപ്പെട്ട ആത്മീയ വ്യക്തിത്വങ്ങളെ കണ്ടുപിടിക്കുകയാണ്.
വത്തിക്കാന്റെ പിന്തുണയോട് കൂടി, കത്തോലിക്ക സഭയുടെ സ്വന്തം ഗെയിമായി പുറത്തിറങ്ങിയിരിക്കുന്ന ഈ ഗെയിമിന്റെ ലക്ഷ്യം കുട്ടികളെ വിശ്വാസവുമായി അടുപ്പിക്കുക എന്നതാണ്.
2019-ലെ ലോകയുവജന ദിനാഘോഷത്തെ മുന്നില് കണ്ടുകൊണ്ട് ‘റാമോണ് പാനെ ഫൗണ്ടേഷന്’ ആണ് ഈ ഗെയിം വികസിപ്പിച്ചിരിക്കുന്നത്. ബൈബിളിലെ വ്യക്തിത്വങ്ങൾ, വിശുദ്ധർ, വിവിധ സ്ഥലങ്ങളിലും പ്രത്യേകതകളിലും അറിയപ്പെടുന്ന പരിശുദ്ധ കന്യകാ മറിയം തുടങ്ങിയവയാണ് ഗെയിമിൽ ഉൾപ്പെടുത്തിയിരിക്കുന്നത്. ചുരുക്കത്തിൽ, പോക്ക്മോനിലെ മ്യൂടൂ, പിക്കാച്ചു പോലെയുള്ള ജീവികള്ക്ക് പകരം ‘ഫോളോ ജെ സി ഗോ’ കളിക്കുന്നവര് കണ്ടുപിടിക്കേണ്ടത് പൗലോസിനെ പോലെയുള്ള വിശുദ്ധരേയും, മോശയെ പോലുള്ള ബൈബിള് കഥാപാത്രങ്ങളേയുമാണെന്നു സാരം.
ജിപിഎസ് ട്രാക്കിംഗ് ഉപയോഗിച്ച് യഥാർത്ഥ ലോകത്തിലേക്ക് കംപ്യൂട്ടറിനാല് സൃഷ്ടിക്കപ്പെട്ട ചിത്രങ്ങൾ കൂടിചേര്ത്ത് മായാപ്രപഞ്ചം സൃഷ്ടിക്കുന്ന ‘ഓഗ്മെന്റഡ് റിയാലിറ്റി’ (AR) സാങ്കേതിക വിദ്യകളാണ് ‘ഫോളോ ജെ സി ഗോ’യിലും ഉപയോഗിച്ചിരിക്കുന്നത്.
നിരവധി ഡിസൈനര്മാര് രണ്ടുവര്ഷക്കാലം കഠിനമായി പരിശ്രമിച്ചതിന്റെ ഫലമാണ് ‘ഫോളോ ജെ സി ഗോ’. ഒക്ടോബർ 17-നാണ് ഔദ്യോഗികമായി ‘ഫോളോ ജെ സി ഗോ’ പുറത്തിറങ്ങിയത്.
സ്പാനിഷ് പതിപ്പാണ് ഇപ്പോള് പുറത്തിറക്കിയിരിക്കുന്നതെങ്കിലും ഉടൻ തന്നെ ഇംഗ്ലീഷ് ഉള്പ്പെടെ മറ്റ് ഭാഷകളിലെ പതിപ്പുകള് പുറത്തിറക്കും. ആന്ഡ്രോയിഡിലും, ആപ്പിളിന്റെ ഐഓഎസിലും ഈ ഗെയിം സൗജന്യമായി ഡൌൺലോഡ് ചെയ്യാവുന്നതാണ്.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.