സ്വന്തം ലേഖകൻ

ഗ്വാളിയാർ: ഗ്വാളിയാർ ബിഷപ്പ് തോമസ് തെന്നാട്ട് SAC കാറപകടത്തിൽ മരണമടഞ്ഞു. ഇന്ത്യയിലെ ആദ്യത്തെ പള്ളോട്യൻ ബിഷപ്പായിരുന്നു. ബിഷപ്പ് സഞ്ചാരിച്ചിരുന്ന കാർ നിയന്ത്രണം വിട്ട്, തെന്നി തലകീഴായ് മറിയുകയായിരുന്നു.

രൂപതയിലെ തന്നെ ഒരു സ്കൂളിലെ വാർഷികാഘോഷം കഴിഞ്ഞ് മെത്രാസന മന്ദിരത്തിലേയ്ക്ക് മടങ്ങവേ ഇന്നലെ രാത്രിയിലായിരുന്നു അപകടം. ഉടനെ തന്നെ ഏറ്റവും അടുത്തുള്ള ഒരാശുപത്രിയിലും തുടർന്ന്, ഉടനെ തന്നെ ഗ്വാളിയാർ സെന്റ് ജോസഫ് ഹോസ്പിറ്റലിൽ എത്തിച്ചുവെങ്കിലും ജീവൻ രക്ഷിക്കാനായില്ല. തലയ്ക്കേറ്റ മാരകക്ഷതമാണ് മരണ കാരണം.

ഒരു യഥാർത്ഥ ഇടയനെ പള്ളോട്യൻ സഭയ്ക്കും ഗ്വാളിയാർ രൂപതയ്ക്കും നഷ്ടമായിരിക്കുന്നുവെന്ന് പ്രൊവിൻഷ്യൽ ഫാ.വര്ഗീസ് പുല്ലൻ പറഞ്ഞു.