സ്വന്തം ലേഖകൻ
പുനലൂര്: കേരള റീജ്യന് ലാറ്റിന് കാത്തലിക് കൗണ്സിലിന്റെ (കെ.ആര്.എല്.സി.സി.) 33-ാമത് ജനറല് അസംബ്ലി 16, 17 തിയതികളില് പുനലൂര് രൂപതയിലെ പത്തനാപുരം സെന്റ് സേവ്യേഴ്സ് വിദ്യാനികേതന് പാസ്റ്ററല് സെന്ററില് വച്ചു നടത്തപ്പെടുമെന്ന് ജനറല് സെക്രട്ടറി ഫാ.ഫ്രാന്സിസ് സേവ്യര് താന്നിക്കാപ്പറമ്പിൽ അറിയിച്ചു.
16-ന് രാവിലെ 10.30-ന് ആരംഭിക്കുന്ന 33-ാമത് ജനറല് അസംബ്ലിയിൽ കെ.ആര്.എല്.സി.സി. പ്രസിഡന്റ് ആര്ച്ച്ബിഷപ് ഡോ.എം.സൂസപാക്യം അധ്യക്ഷനായിരിക്കും, മലങ്കര മാര്ത്തോമാ സുറിയാനി സഭാമേലധ്യക്ഷന് ഡോ. ജോസഫ് മാര് തോമാ മെത്രാപ്പോലീത്ത ഉദ്ഘാടനം നിര്വഹിക്കും. തുടർന്ന്, ബിഷപ് ഡോ.സെല്വിസ്റ്റര് പൊന്നുമുത്തന് ആശംസ നേരുകയും, സംസ്ഥാനത്തെ മുന് ചീഫ്സെക്രട്ടറി എസ്.എം.വിജയാനന്ദ് ഐ.എ.എസ്. മുഖ്യപ്രഭാഷണം നടത്തുകയും ചെയ്യും.
കേരള ലത്തീന് സഭയുടെ ‘വിദ്യാഭ്യാസ ശുശ്രൂഷ’യാണ് ഈ സമ്മേളനത്തില് പ്രധാനമായും ചര്ച്ചചെയ്യപ്പെടുന്നത്. അതുപോലെ തന്നെ, ആനുകാലിക വിഷയങ്ങളായ പൊതുതിരഞ്ഞെടുപ്പും, സാമ്പത്തിക സംവരണവും, ദലിത് ക്രൈസ്തവരുടെ സംവരണവും, കേരള അഡ്മിനിട്രേറ്റീവ് സര്വീസ് സംവരണവും ചര്ച്ചചെയ്യപ്പെടും.
അതുപോലെ തന്നെ, കെ.ആര്.എല്.സി.ബി.സി. മീഡിയാ കമ്മീഷന്റെയും, അല്മായ കമ്മീഷന്റെയും പ്രവര്ത്തനങ്ങളും, കെ.ആര്.എല്.സി.സി. വിദ്യാഭ്യാസ പാക്കേജിന്റെ പുരോഗതിയും, യുവജന കമ്മീഷന് യൂത്ത് സര്വേയും, വിലയിരുത്തും. രാഷ്ട്രീയകാര്യ സമിതി പ്രമേയം ചര്ച്ചയും ഉണ്ടാകും.
സമാപന സമ്മേളനത്തിൽ കേരളത്തിലെ 12 ലത്തീന് രൂപതകളില് നിന്നുള്ള ബിഷപ്പുമാരും തിരഞ്ഞെടുക്കപ്പെട്ട 200 പ്രതിനിധികളും സംബന്ധിക്കും.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.