അജിന്‍സോഫ് നേമം

കണ്ണൂർ: കണ്ണൂർ രൂപതയുടെ കീഴിലുള്ള കണ്ണാടിപ്പറമ്പ് ഇടവകയിൽ രണ്ട് ദിവസം ഫോൺ ഉപയോഗിക്കാതെ പള്ളിയിൽ വച്ചുകൊണ്ട് യേശുവിന്റെ പീഡാസഹനങ്ങളെ ധ്യാനിച്ചുകൊണ്ട് മാതൃകയായത്.

പെസഹ, ദു:ഖവെള്ളി ദിനങ്ങളിൽ ഈ പ്രവർത്തി ചെയ്തതിലൂടെ സഭയുടെ കരുത്തുറ്റ യുവജനങ്ങൾ സമൂഹത്തിന് ഒരു പാഠമാവുകയായിരുന്നു എന്നതിൽ സംശയമില്ല. വർദ്ധിച്ചു വരുന്ന ഫോണിന്റെ ഉപയോഗത്തിൽ നിന്ന് മോചനം നേടാൻ ആകുമെന്നും, വേണ്ടിവന്നാൽ ഫോൺ ഇല്ലാതെയും ജീവിക്കുവാൻ തങ്ങൾക്ക് കഴിയും എന്ന് കണ്ണാടിപറമ്പിലെ ശക്തരായ യുവജനങ്ങൾ തെളിയിച്ചുവെന്ന് ഇടവക വികാരി ഫാ.ലിനോ പറഞ്ഞു.

കഴിഞ്ഞ രണ്ട്‌ ദിവസവും സമ്പൂർണമായി ഫോൺ മാറ്റിവെച്ച മാതൃകയ്ക്ക് വലിയ അഭിനന്ദനങ്ങൾ ലഭിക്കുന്നുണ്ട്. രണ്ട്‌ ദിവസങ്ങളുടെ ശുശ്രൂഷകൾക്ക് ശേഷം മൊബൈൽ ഫോണുകൾ ഇടവക വികാരി ഫാ.ലിനോ വെഞ്ചരിച്ച് നൽക്കുകയായിരുന്നു.