അനിൽ ജോസഫ്
നെയ്യാറ്റിന്കര: തെക്കന്കേരളത്തിലെ പ്രസിദ്ധ മരിയന് തീര്ത്ഥാടന കേന്ദ്രമായ വ്ളാത്താങ്കര സ്വര്ഗ്ഗാരോപിത മാതാ ദേവാലയത്തില് ഓഗസ്റ്റ് 6 ന് ആരംഭിക്കുന്ന തീര്ഥാടനത്തിന്റെ ഭാഗമായി മരിയന് തീര്ത്ഥാടന ജ്വാലാ പ്രയാണം ഞായറാഴ്ച നടക്കും. ഇടവകയിലെ 33 കുടുംബ യൂണിറ്റുകളിലേക്കും ബി.സി.സി. ലീഡര്മാരുടെ നേതൃത്വത്തില് കത്തിച്ച തിരികളുമായാണ് ജ്വലാ പ്രയാണം സംഘടിപ്പിക്കുന്നത്. ജ്വാലാ പ്രയാണത്തിന്റെ ഉദ്ഘാടനം ഇടവക വികാരിയും നെയ്യാറ്റിന്കര രൂപത ശുശ്രൂഷാ കോ-ഓർഡിനേറ്ററുമായ മോണ്.വി.പി.ജോസ് ഇടവക ശുശ്രൂഷ കോ-ഓർഡിനേറ്റര് ഡി.ഫ്രാന്സിസിന് കൈമാറി നിർവഹിക്കും.
തുടര്ന്ന്, 33 യൂണിറ്റ് ലീഡര്മാര്ക്കും മോണ്.വി.പി.ജോസ് 33 തിരികള് കൈമാറും. തുടര്ന്ന് ഇടവക വികാരിയുടെ നേതൃത്വത്തില് 33 കുടുംബയൂണിറ്റുകളിലേക്കും തീര്ത്ഥാടന വിളംബരം അറിയിച്ച് ‘തീര്ത്ഥാടന ജ്വാലാ പ്രയാണവും’ തീര്ഥാടന വിശേഷാല് കുടുംബ യോഗങ്ങളും നടക്കും.
കുടുംബ യോഗങ്ങളെ തുടര്ന്ന് ഇടവകയിലെ 1050 കുടുംബങ്ങളിലേക്കും പ്രത്യേകം തിരികള് കൈമാറും. ആഗസ്റ്റ് 6-നാണ് തീര്ത്ഥാടനത്തിന് തുടക്കമാവുന്നത്.
ആഗസ്റ്റ് 3 ന് വൈകിട്ട് 5.30-ന് ദേവാലയത്തിന് മുന്നിലെ മാതാവിന്റെ പുതിയ ഗ്രോട്ടോ നെയ്യാറ്റിന്കര ബിഷപ്പ് ഡോ.വിന്സെന്റ് സാമുവല് ആശീര്വദിക്കും.
4 ന് രാവിലെ 6.30-ന് തീര്ത്ഥാടന വിളംബര ഘോഷയാത്ര ഉണ്ടാകും. വൈകിട്ട് 6-ന് 5001 ദീപകള് കൊണ്ട് സ്വര്ഗ്ഗാരോപിത മതാവിന് ദീപാജ്ഞലി സമര്പ്പണം. ദീപാജ്ഞലിയുടെ തിരിതെളിയിക്കല് ആറ്റിങ്ങല് എം.പി.അടൂര് പ്രകാശ് നിര്വ്വഹിക്കും. മുഖ്യാതിഥിയായി മാധ്യമ പ്രവര്ത്തകന് ജോര്ജ്ജ് പുളിക്കല് പങ്കെടുക്കും.
തീര്ത്ഥാടനത്തിന്റെ ആരംഭ ദിനത്തില് ഇടവകയിലെ 1002 സ്ത്രീകള് പങ്കെടുക്കുന്ന തിരുവാതിരയും അരങ്ങേറും.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.