അനുജിത്ത്

കാട്ടാക്കട: കെ.സി.വൈ.എം. കാട്ടാക്കട ഫെറോനാ സമിതിയുടെ ആഭിമുഖ്യത്തിൽ “RADUNO 2k19” എന്നപേരിൽ യുവജന ദിനാഘോഷം സംഘടിപ്പിച്ചു. ഞായറാഴ്ച മണ്ഡപത്തിൻകടവ് വി.ഫ്രാൻസിസ് സേവ്യർ ദേവാലയത്തിൽ സംഘടിപ്പിച്ച RADUNO 2K19-ലെ ചർച്ചാക്‌ളാസിലും, പൊതുസമ്മേളനത്തിലും നിരവധി യുവജനങ്ങൾ പങ്കുചേർന്നു.

യുവജനങ്ങൾ വിവേകത്തോടെയും വിശ്വാസത്തോടെയുമുള്ള മാതൃകാ ജീവിതം നയിക്കുന്നവരാകണമെന്ന് ക്ലാസ്സിൽ ഫാ.ബെനഡിക്ട് യുവജനങ്ങളോടു വിവരിച്ചു.

തുടർന്ന്, ഫെറോന പ്രസിഡന്റ് രതീഷ് അധ്യക്ഷനായിരുന്ന പൊതു സമ്മേളനം മണ്ഡപത്തിൻകടവ് ഇടവക വികാരി റവ.ഡോ.ആർ.പി.വിൻസെന്റ് ഉദ്ഘാടനം ചെയ്തു. കാട്ടാക്കട ഫെറോനാ കെ.സി.വൈ.എം. ഡയറക്ടർ ഫാ.ബനഡിക്ട് ജി.ഡേവിഡ് ആശംസകൾ അർപ്പിച്ചു.

കൂടാതെ, പൊതുസമ്മേളനത്തിൽ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയവരെയും, ബിരുദാനന്തര ബിരുദ പരീക്ഷകളിൽ മികച്ച റാങ്ക് കരസ്ഥമാക്കിയവരെയും അനുമോദിച്ചു.