അനിൽ ജോസഫ്

വെളളറട: കേരളാ ലാറ്റിന്‍ കാത്തലിക് അസോസിയേഷന്‍ നെയ്യാറ്റിന്‍കര രൂപത സമിതിയുടെ നേതൃത്വ ക്യാമ്പ് നാളെയും മറ്റന്നാളുമായി “ജസ്റ്റിസ് 19” എന്നപേരില്‍ വാഴിച്ചല്‍ ഇമ്മാനുവല്‍ കോളേജില്‍ നടക്കും. രാവിലെ 10-ന് നടക്കുന്ന ഉദ്ഘാടന സമ്മേളനം ബിഷപ് ഡോ.വിന്‍സെന്റ് സാമുവല്‍ ഉദ്ഘാടനം ചെയ്യും.

കെ.എല്‍.സി.എ. രൂപത പ്രസിഡന്റ് ഡി.രാജു അധ്യക്ഷത വഹിക്കുന്ന പരിപാടിയില്‍ രൂപതാ വികാരിജനറല്‍ മോണ്‍.ജി.ക്രിസ്തുദാസ്, കെ.എല്‍.സി.എ. സംസ്ഥാന പ്രസിഡന്‍റ് ആന്റെണി നെറോണ, എം.എല്‍.എ. മാരായ എം.വിൻസെന്റ്, സി.കെ.ഹരീന്ദ്രന്‍, രൂപത അല്‍മായ കമ്മിഷന്‍ ഡയറക്ടര്‍ ഫാ.എസ്.എം. അനില്‍കുമാര്‍, അധ്യാത്മിക ഉപദേഷ്ടാവ് ഫാ.ഡെന്നിസ്കുമാര്‍, കെ.എല്‍.സി.എ. സംസ്ഥാന സമിതി അംഗം ജെ.സഹായദാസ്, സംസ്ഥാന വൈസ് പ്രസിഡന്‍റ് ഉഷാകുമാരി, കെ.സി.വൈ.എം. രൂപത പ്രസിഡന്റ് ജോജി ടെന്നിസണ്‍, ബാലരാമപുരം സോണല്‍ പ്രസിഡന്‍റ് വികാസ് കുമാര്‍ രൂപതാ ജനറല്‍ സെക്രട്ടറി സദാനന്ദന്‍ തുടങ്ങിയവര്‍ പ്രസംഗിക്കും.

വിവിധ സെഷനുകളിലായി ക്ലാസുകള്‍ ക്രമീകരിച്ചിട്ടുണ്ട്. ക്യാമ്പിന്റെ സമാപന സമ്മേളനം ഞായറാഴ്ച വൈകിട്ട് 3-ന് ഫാ.എസ്.എം. അനില്‍കുമാര്‍ ഉദ്ഘാടനം ചെയ്യും.