അനിൽ ജോസഫ്
നെയ്യാറ്റിന്കര: “സമനീതി, അധികാരത്തില് പങ്കാളിത്തം” തുടങ്ങിയ മുദ്രാവാക്യങ്ങളുമായി നെയ്യാറ്റിന്കര രൂപത ആതിഥേയത്വം വഹിക്കുന്ന ലത്തീന് സമുദായ സംഗമത്തിന്റെയും, കെഎല്സിഎ സംസ്ഥാന സമ്മേളനത്തിന്റെയും മുന്നോടിയായുളള വിശ്വാസ ജ്വാലാ പ്രയാണം ആരംഭിച്ചു. നെയ്യാറ്റിന്കര ബിഷപ്സ് ഹൗസില് ബിഷപ് ഡോ.വിന്സെന്റ് സാമുവല് ദീപം കെഎല്സിഎ രൂപത പ്രസിഡന്റ് ഡി.രാജുവിന് നല്കി ഉദ്ഘാടനം ചെയ്യ്തു.
ലത്തിന് കത്തോലിക്കരുടെ പ്രശ്നങ്ങള് പരിഹരിക്കാനും ലത്തീന് സമുദായത്തിന്റെ പിന്നോക്കാവസ്ഥ പഠിക്കാനും കമ്മിഷന് ആവശ്യമില്ല എന്ന മന്ത്രി എ.കെ.ബാലന്റെ നിലപാട് പ്രതിഷേധാര്ഹമാണെന്ന് ബിഷപ് പറഞ്ഞു.
പരിപാടിയില് വികാരി ജനറല് മോണ്.ജി.ക്രിസ്തുദാസ്, ശുശ്രൂഷ കോ ഓ ഓഡിനേറ്റര് മോണ്.വി പി ജോസ്, അല്മായ ശുശ്രൂഷ ഡയറക്ടര് ഫാ.എസ്.എം അനില്കുമാര്, കെഎല്സിഎ സംസ്ഥാന സമിതി അംഗം ജെ.സഹായദാസ്, പാസ്റ്ററല് കൗണ്സില് സെക്രട്ടറി നേശന്, കെഎല്സിഎ രൂപത സെക്രട്ടറി സദാനന്ദന് തുടങ്ങിയവര് പ്രസംഗിച്ചു.
രൂപതയിലെ 11 ഫൊറോനകളുടെയും പ്രതിനിധികള് ജ്വാലാ പ്രയാണത്തിനായി മെഴുകുതിരികള് സ്വീകരിച്ചു. നാളെ ഫൊറോനകളിലും വൈകിട്ട് ബിസിസി യൂണിറ്റുകളിലും ജ്വാലാ പ്രയാണം നടക്കും. എല്ലാ ബിസിസികളിലും നാളെ സമുദായ സംഗമ വിശേഷാല് കുടുംബ യോഗങ്ങള് ക്രമീകരിച്ചിട്ടുണ്ട്.
അടുത്ത ഞായറാഴ്ച രൂപതയിലെ 11 ഫൊറോനകളിലും വിളംബര ബൈക്ക് റാലി നടക്കും. ഡിസംബര് 1 നാണ് സമുദായ സംഗമവും ഒരു ലക്ഷം സമുദായ അംഗങ്ങള് പങ്കെടുക്കുന്ന റാലിയും നെയ്യാറ്റിന്കര പട്ടണത്തില് നടക്കുന്നത്.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.