അനിൽ ജോസഫ്‌

വെളളറട: കോവിഡ് 19 ന്റെ വ്യാപനത്തെ തുടര്‍ന്ന് പ്രസിദ്ധ തീര്‍ഥാടന കേന്ദ്രമായ തെക്കന്‍ കുരിശുമലയില്‍ ഇക്കൊല്ലത്തെ തീര്‍ഥാടനം ഒഴിവാക്കി, ആഘോഷങ്ങളില്ലാതെ പ്രാര്‍ഥനാ ദിനങ്ങള്‍ക്ക് തുടക്കമായി. കുരിശുമല സംഗമവേദിയില്‍ ജ്ഞാനദീപം തെളിയിച്ച് 168 മണിക്കുര്‍ പ്രാര്‍ഥനക്ക് തുടക്കം കുറിച്ചു.

തീര്‍ഥാടന നാളുകളില്‍ കൊറോണ വൈറസ് ബാധിച്ചവര്‍ക്ക് വേണ്ടിയും ലോക സമാധാനത്തിനുമായി പ്രത്യേകം പ്രാര്‍ഥനകള്‍ നടക്കും. ജ്ഞാന ദീപം, കുരിശുമല ഡയറക്ടര്‍ മോണ്‍.വിന്‍സെന്‍റ് കെ.പീറ്റര്‍ തെളിയിച്ചു. കെറോണ ജാഗ്രത ഉളളതിനാല്‍ ചുരുക്കം ചില കമ്മറ്റി അംഗങ്ങളെമാത്രം പങ്കെടുപ്പിച്ചാണ് പ്രാര്‍ഥനയജ്ഞത്തിന് തുടക്കം കുറിച്ചത്.

ലോകത്തിന്‍റെ 4 ദിക്കുകളെ പ്രതിനിധീകരിച്ച് 4 പേര്‍ ദീപങ്ങള്‍ ഏറ്റുവാങ്ങി. ഇന്നലെ ആരംഭിക്കേണ്ട തീർത്ഥാടനം പൂര്‍ണ്ണമായും ഒഴിവാക്കിയാണ് കുരിശുമല തീര്‍ഥാടന കേന്ദ്രം മാതൃകാ പരിപാടികള്‍ക്ക് തുടക്കം കുറിക്കുന്നത്.

കൊറോണക്കെതിരെ സര്‍ക്കാരിന്റെ പ്രവര്‍ത്തനങ്ങളില്‍ പൂര്‍ണ്ണ പിന്തുണ അറിയിച്ച തീര്‍ഥാടകേന്ദ്രം, ബ്രേക്ക് ദ ചെയിന്‍ പദ്ധതിയുമായി പൂര്‍ണ്ണമായി സഹകരിക്കുമെന്നറിയിച്ചു.