അനിൽ ജോസഫ്
നെയ്യാറ്റിന്കര: നെയ്യാറ്റിന്കരയിലെ വൈദികരും അല്മായരും കൈകോര്ത്ത “സ്നേഹപൂര്വ്വം” കൊറോണ പ്രാര്ത്ഥനാ ഗാനത്തിന് വന് വരവേല്പ്പ്. ഇന്ന് (18 / 05 / 2020) വൈകുന്നേരം 6 മണിക്ക് കാത്തലിക് വോക്സ് യുട്യൂബ് ചാനലില് റിലീസ് ചെയ്ത് ഒന്നര മണിക്കൂറിനുളളില് 1000 പേര് കണ്ടു കഴിഞ്ഞു.
രൂപതയിലെ 8 വൈദികരും, ഒരു ഡീക്കനും, 23 അല്മായരും ചേര്ന്ന് ആലപിച്ച ഗാനം രചിച്ചത് അധ്യപാകനായ തോമസ് കെ സ്റ്റീഫനാണ്. സംഗീതം നിർവഹിച്ചിരിക്കുന്നത് അരുണ് വ്ളാത്താങ്കരയാണ്. വീഡിയോ എഡിറ്റിംഗ് എയ്ഞ്ചല് എഡിറ്റും, സൗണ്ട് റെക്കോര്ഡിംഗ് ജിജോ സ്വരധാരയും, സാങ്കേതിക സഹായം ലാല് പുതുവലും, ടൈറ്റില്സ് ജിജോ കോട്ടയവുമാണ് ചെയ്തിരിക്കുന്നത്.
“കുരുണതന് കടലാം സ്വര്ഗ്ഗ പിതാവെ കൊറോണക്കാലത്ത് സഹായമേകൂ…” എന്ന് തുടങ്ങുന്ന ഗാനം ലോക് ഡൗണായതിനാല് വീടുകളിലും പളളിമേടകളിലും ദേവാലയങ്ങളിലുമായാണ് എല്ലാവരും ആലപിച്ചിരിക്കുന്നത്. നെയ്യാറ്റിന്കര രൂപത മെത്രാന് ഡോ.വിന്സെന്റ് സാമുവല് സംരഭത്തിന് ആശംസകളും പ്രാര്ത്ഥനയും നേര്ന്നു. വിവിധ ഫൊറോനകളിലെ അല്മായരെയും, വൈദികരെയും ഒന്നിപ്പിച്ച ദൗത്യം പ്രശംസനീയമാണെന്ന് വികാരി ജനറല് മോണ്.ജി.ക്രിസ്തുദാസ് അറിയിച്ചു.
അമേരിക്കയില് സേവനം ചെയ്യുന്ന ഫാ.ജോണ് ഗബ്രിയേല് , ഇറ്റലിയില് നിന്ന് ഫാ.ജിബു ജെ.ജാജിന്, നെയ്യാറ്റിന്കയിൽ നിന്ന് ഫാ.ജോയി മത്യാസ്, ഫാ.വല്സലന് ജോസ്, ഫാ.ഷാജു സെബാസ്റ്റ്യന്, ഫാ.റോബിന്രാജ്, ഫാ.ലെനിന്, ഫാ.സജിന്തോമസ് തുടങ്ങിയവരും, നെയ്യാറ്റിന്കര രൂപതയുടെ ദേവാല സംഗീത രംഗത്തെ അഭിമാനങ്ങളായ വിജയന് നെല്ലിമൂട്, ജയരാജ് തേവന്പാറ, അരുണ് വ്ളാത്താങ്കര, രാജന് നെയ്യാറ്റിന്കര തുടങ്ങിയവരും വിവിധ ഇടവകകളിലെ ഗായകരുമാണ് ഗാനത്തില് അണിനിരന്നത്. ഗാനത്തിന് സമാപന സന്ദേശം നൽകിയിരിക്കുന്നത് രൂപതയുടെ ശുശ്രൂഷാ കോ-ഓർഡിനേറ്റർ മോൺ.വി.പി.ജോസാണ്.
ഒരാഴ്ചയുടെ കഠിന പ്രയത്നത്തിനൊടുവിലാണ് ഗാനം നെയ്യാറ്റിന്കര രൂപതയുടെ ന്യൂസ് പോര്ട്ടല് കാത്തലിക് വോക്സ് റിലിസ് ചെയ്തത്.
സ്വന്തം ലേഖകന് വത്തിക്കാന് സിറ്റി : ആഗോള പ്രാര്ത്ഥനാ ശൃംഖല വഴിയായി ഫ്രാന്സിസ് പാപ്പായുടെ മെയ് മാസത്തേക്കുള്ള പ്രാര്ത്ഥനാനിയോഗം അടങ്ങിയ…
അനില് ജോസഫ് വത്തിക്കാന് സിറ്റി : മാതാവിന്റെ വണക്കമാസത്തില് വത്തിക്കാന് ഗാര്ഡനിലേക്ക് തീര്ഥാടകര്ക്ക് സ്വാഗതം. വത്തിക്കാന് ഗാര്ഡനിലെ ലൂര്ദ്ദ്…
സ്വന്തം ലേഖകന് വത്തിക്കാന് സിറ്റി: ഏപ്രില് മാസം ഇരുപത്തിമൂന്നു മുതല് ഇരുപത്തിയഞ്ചു വരെ അബുദാബിയില് വച്ചു നടന്ന മുതിര്ന്ന…
സ്വന്തം ലേഖകന് കൊച്ചി :ധന്യ മദര് ഏലിഷ്വ സ്ഥാപിച്ച കോണ്ഗ്രീഗേഷന് ഓഫ് തെരേസ കര്മലൈറ്റ്സ് (സിറ്റിസി) സന്യാസിനി സമൂഹത്തിന്റെ…
സ്വന്തം ലേഖകന് ലിവ് : റഷ്യഉക്രൈന് യുദ്ധം രൂക്ഷമായി തുടരുന്നതിനിടെ, ഉക്രൈനിലെ വിദ്യാര്ത്ഥികള്ക്ക് കൈത്താങ്ങായി ലാപ്ടോപ്പ് കമ്പ്യൂട്ടറുകള് സമ്മാനിച്ച്…
സ്വന്തം ലേഖകന് റോം : ആഗോള കത്തോലിക്കാ സഭയില് സിനഡിന്റെ ഭാഗമായി, ലോകത്തിലെ ഇടവകവികാരിമാരുടെ പ്രതിനിധികളുടെ യോഗം ഏപ്രില്…
This website uses cookies.