ജോസ് മാർട്ടിൻ

ആലപ്പുഴ: വേൾഡ് ഡ്രാമാറ്റിക് ആൻഡ് സ്റ്റഡി സെന്റെർ ആൻഡ് ഫിലിം ഇൻസ്റ്റിറ്റ്യൂട്ടിന്റെ മാധ്യമ പ്രതിഭാ പുരസ്‌കാരം ഫാ.സേവ്യർ കുടിയാംശ്ശേരിക്ക്. ഭരതൻ – കെ.കെ.ഹരിദാസ് 2020-ലെ സ്മാരക പ്രതിഭാ പുരസ്‌കാരങ്ങളിലെ മാധ്യമ പ്രതിഭാ പുരസ്‌കാരമാണ് ആലപ്പുഴ രൂപതാ മീഡിയാ കമ്മീഷൻ ഡയറക്ടറും, രൂപതയുടെ റേഡിയോ നെയ്തൽ എഫ്.എം.ന്റെ സാരഥിയുമായ ഫാ. സേവ്യറിന് ലഭിച്ചത്.

ആലപ്പുഴയുടെ സാമൂഹ്യ, സാംസ്‌കാരിക രംഗങ്ങളിൽ നിറ സാന്നിധ്യമാണ് ഫാ.സേവ്യർ. മഹാപ്രളയ കാലത്ത് ജില്ലാ ഭരണകൂടം ആലപ്പുഴ മേഖലയിലെ സഹായം അഭ്യർത്ഥിച്ചത് കുടിയാംശ്ശേരി അച്ചനോടായിരുന്നു. ഒറ്റപ്പെട്ടു പോയ ആലപ്പുഴ ജില്ലയുടെ കിഴക്കൻ മേഖലകളിൽ നിന്ന് കേരളത്തിന്റെ സ്വന്തം നാവിക സേനയെന്ന് ലോകം വിശേഷിപ്പിച്ച കടലിന്റെ മക്കളെ, തന്റെ ജനത്തെ അണിനിരത്തി നൂറുകണക്കിന് ജനങ്ങളെ സുരക്ഷിത കേന്ദ്രങ്ങളിലെത്തിച്ചത് അച്ചന്റെ നേതൃത്വത്തിലുള്ള മത്സ്യ തൊഴിലാളികളായിരുന്നു.

തീരദേശത്തിന്റെ വിഷയങ്ങൾ കേന്ദ്ര-സംസ്ഥാന ഭരണ തലങ്ങളിൽ എത്തിക്കുവാനും, അവർക്ക് വേണ്ടി നിലനിൽക്കുവാനും, അവരുടെ ആവശ്യങ്ങൾ നേടിയെടുക്കാനും ഫാ.സേവ്യർ കുടിയാംശ്ശേരി നടത്തുന്ന പരിശ്രമങ്ങൾ ശ്രദ്ധേയമാണ്.

കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

Click to join Catholiocvox Whatsapp group