സ്വന്തം ലേഖകൻ
വത്തിക്കാൻ സിറ്റി: കഴിഞ്ഞ ദിവസം വത്തിക്കാനടുത്ത് തണുപ്പ് കാരണം നൈജീരിയൻ അഭയാർത്ഥി മരിക്കാൻ ഇടവന്നതിൽ അഗാധമായ ദുഃഖത്തോടെ ഫ്രാൻസിസ് പാപ്പാ. ഒരു വ്യക്തി പട്ടിണിയും ദാരിദ്ര്യവും മൂലം മരണമടഞ്ഞാൽ, ആ മരണത്തിന് നാം ഓരോരുത്തരും ഉത്തരവാദികളാണെന്നും പാപ്പാ. ഞായറാഴ്ച ഉച്ചയ്ക്ക് 12 മണിക്ക് വത്തിക്കാനിൽ ത്രികാല പ്രാർത്ഥനയിൽ ദൃശ്യ-ശ്രാവ്യ മാധ്യമങ്ങളിലൂടെ വിശ്വാസികളെ അഭിസംബോധന ചെയ്യുകയായിരുന്നു പാപ്പാ.
യൂറോപ്പിൽ കൊടുംതണുപ്പിൽ ഭവനമില്ലാതെ അലയുന്ന അഭയാർത്ഥികൾ മരണത്തിന് കീഴടങ്ങേണ്ടി വരുന്ന അവസ്ഥ ഭയാനകമാണെന്നും, കഴിഞ്ഞ ദിവസം വത്തിക്കാനടുത്ത് തന്നെ നൈജീരിയൻ അഭയാർത്ഥിയായ എഡ്വിൻ എന്ന 46 കാരൻ മരിക്കാനിടവന്നതിൽ തനിക്ക് അഗാധമായ ദു:ഖമുണ്ടെന്ന് പറഞ്ഞ പാപ്പാ പ്രാർത്ഥനയ്ക്കിടയിൽ അല്പസമയം നിശബ്ദമായി എഡ്വിനുവേണ്ടി പ്രാർത്ഥിച്ചു. ഈ മൂന്ന് മാസത്തിനിടയിൽ റോമിൽ മാത്രമായി പത്തുപേരാണ് തണുപ്പിൽ മരണമടഞ്ഞത്.
തുടർന്ന്, വിശുദ്ധ ഗ്രിഗറി ദ ഗ്രേറ്റിന്റെ വാക്കുകളെ ഉദ്ധരിച്ചുകൊണ്ട് പാപ്പാ പറഞ്ഞു: ഒരു വ്യക്തി പട്ടിണിയും ദാരിദ്ര്യവും മൂലം മരണമടഞ്ഞാൽ ആ ദിവസം ദിവ്യബലിയർപ്പിക്കരുത്, ആ ദിനം നമുക്കോരോരുത്തർക്കും ഒരു ദു:ഖവെള്ളി പോലെയാണ്. കാരണം ആ മരണത്തിന് നാം ഓരോരുത്തരും ഉത്തരവാദികളാണെന്നും, നമ്മളാലാണ് അവർ ഉപേക്ഷിക്കപ്പെട്ടതെന്നും പാപ്പാ ഓർമ്മിപ്പിച്ചു.
കാല്വണ്ണയിലെ ഞരമ്പു വേദനമൂലം (Sciatic nerve pull) ഫ്രാന്സിസ് പാപ്പാ ജനുവരി 24 ഞായറാഴ്ച രാവിലത്തെയും, 25 തിങ്കളാഴ്ചത്തെയും പരിപാടികള് റദ്ദാക്കിയിരുന്നു.
കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.