ജോസ് മാർട്ടിൻ
ആലപ്പുഴ: ആലപ്പുഴ രൂപതാ വൈദികനും ആലുവ കാർമൽഗിരി, മംഗലപ്പുഴ സെമിനാരികളിലെ ധാർമിക ദൈവശാസ്ത്ര അധ്യാപകനുമായ ഫാ.ജോസഫ് ജോയ് അറയ്ക്കൽ രചിച്ച “ക്രിസ്തുവിന്റെ പരിമളം” എന്ന പുസ്തകം പ്രകാശനം ചെയ്തു. സെപ്റ്റംബർ 13-ന് ആലപ്പുഴ കർമസദൻ പാസ്റ്ററൽ സെന്ററിൽ നടന്ന ആലപ്പുഴ രൂപതാ വൈദിക മാസയോഗത്തിൽ വെച്ചായിരുന്നു ആലപ്പുഴ രൂപതാ മെത്രാൻ ഡോ.ജയിംസ് ആനപറമ്പിൽ രൂപതാ വികാരി ജനറൽ മോൺ.ജോയ് പുത്തൻവീട്ടിലിന് നൽകിക്കൊണ്ട് പ്രകാശനം ചെയ്തത്.
ക്രിസ്തുവും ശിഷ്യനുമായുള്ള ഇണക്കം മധുരമായി ഓർമ്മപ്പെടുത്തുന്ന സുന്ദരമായ ആഖ്യാനമാണ് ജോയ് അറക്കയ്ലച്ചൻ രചിച്ച “ക്രിസ്തുവിന്റെ പരിമളം ‘എന്ന പുസ്തകം. വ്യക്തിത്വത്തിന്റെ സൗന്ദര്യം വഴി ക്രിസ്തു ഒരാൾക്ക് പ്രിയപ്പെട്ടവനായി മാറുന്നുവെന്നും അയാൾ ക്രിസ്തുവിന്റെ ഗന്ധമുള്ള ഒരാളായി തീരുന്നുമെന്ന തെളിമയുള്ള ചിന്തയാണ് ഈ ചെറുഗ്രന്ഥം മുന്നോട്ടുവയ്ക്കുന്നത്. ‘ഓരോ മനുഷ്യനും ക്രിസ്തുവിന്റെ സൗന്ദര്യം പേറുന്നവനാണ്’ എന്ന് ആവർത്തിക്കുകയാണ് പുസ്തകം. മുപ്പത് ശീർഷകങ്ങളിലായി ക്രിസ്തുവിന്റെ മുഖവും മനസ്സും ധ്യാനിച്ചുകൊണ്ടുള്ള ചുറ്റിസഞ്ചാരം ഇത് സാധ്യമാക്കുന്നുവെന്ന് പിതാവ് തന്റെ ആമുഖ കുറിപ്പിൽ പറയുന്നു.
ഫാ.ജോൺസൺ പുത്തൻവീട്ടിൽ പുസ്തകപരിചയം നടത്തി. ഗ്രന്ഥകർത്താവ് ഫാ.ജോസഫ് ജോയ് അറയ്ക്കൽ പുസ്തകം പ്രസിദ്ധീകരിക്കാൻ സഹായിച്ച എല്ലാവർക്കും നന്ദി അർപ്പിച്ചു.
ഐറിൻ ബുക്സ് പ്രസാധനവും സോഫിയ ബുക്സ് വിതരണവും നടത്തുന്ന പുസ്തത്തിന്റെ കോപ്പികൾക്ക് ആലപ്പുഴ സെന്റ് ആന്റണിസ് ഓർഫനേജ് പ്രസ്സുമായി ബന്ധപ്പെടുക 9846489096. വില 150 രൂപ, തപാലിൽ ലഭിക്കാൻ 190 രൂപ.
പെന്തക്കോസ്താ തിരുനാൾ ചരിത്രപുരുഷനായ യേശുവിന്റെ പ്രത്യക്ഷീകരണങ്ങളുടെ കാലം അവസാനിക്കുന്നു, സഭയുടെ സമയം ആരംഭിക്കുന്നു. ചുരുക്കത്തിൽ, ഇപ്പോൾ നമ്മുടെ ഊഴമാണ്. എന്താണ്…
സ്വർഗ്ഗാരോഹണ തിരുനാൾ യേശുവിന്റെ സ്വർഗ്ഗാരോഹണത്തെ മുകളിലേക്കുള്ള ഒരു ബഹിർഗമനമായിട്ടാണ് സമവീക്ഷണ സുവിശേഷങ്ങളും അപ്പോസ്തലന്മാരുടെ നടപടി പുസ്തകവും ചിത്രീകരിക്കുന്നത്. രസകരമെന്നു പറയട്ടെ…
സ്വന്തം ലേഖകന് ബംഗളൂരു : സിസിബിഐ യുവജന കമ്മിഷന് അസോസിയേറ്റ് എക്സിക്യൂട്ടീവ് സെക്രട്ടറിയായി ഫാ.ഡൊമനിക്കിനെയും ഹെല്ത്ത് അപ്പോസ്തലേറ്റിന്റെ കോ ഓഡിനേറ്ററായി…
സ്വന്തം ലേഖകന് റോം: റോമിലെ ലത്തീന് കത്തോലിക്ക മലയാളികളുടെ ഇടവക ദേവാലയമായ (Basilica San Giovanni Battista dei Fiorentini)…
സ്വന്തം ലേഖകന് ഇംഫാല് : ഇത് ഹൃദയ ഭേദകമായ മണിപ്പൂരിന്റെ ചിത്രം. കഴിഞ്ഞ ദിവസം ഇംഫാന് ആര്ച്ച് ബിഷപ്പ്…
അനില് ജോസഫ് ഫ്രാന്സിസ് ടൗണ് : സതേണ് ആഫ്രിക്കയിലെ ബോട്സ്വാനയിലെ ഫ്രാന്സിസ്ടൗണ് കത്തോലിക്കാ രൂപതയിലെ ബിഷപ്പ് ആന്റണി പാസ്കല് റെബെല്ലോ…
This website uses cookies.