സ്വന്തം ലേഖകൻ

ബോണക്കാട്‌: ഇന്നലെ ഹൈക്കോടതിയിൽ നിന്നുണ്ടായ ഉത്തരവിനെ തുടർന്ന്‌ തീർത്ഥാടകരെ മലമുകളിലേക്ക്‌ തീർത്ഥാടനം നടത്താൻ അനുവധിക്കില്ലെന്ന്‌ നെയ്യാറ്റിൻകര രൂപത വ്യക്‌തമാക്കി.

തീർത്ഥാടകർ മലമുകളിലെ കുരിശിനെ വണങ്ങി പ്രാർത്ഥിക്കാനാണ്‌ എത്തുന്നതെങ്കിലും നിയമങ്ങളും ഉത്തരവുകളും പാലിച്ച്‌ തന്നെ ഇത്തവണ തീർത്ഥാടനം നടത്തണമെന്ന്‌ നെയ്യാറ്റിൻകര രൂപതാ വികാരി ജനറൽ മോൺ. ജി. ക്രിസ്‌തുദാസ്‌ തീർത്ഥാടകരോട്‌ അഭ്യർത്ഥിച്ചു.

വനംവകുപ്പ്‌ പോലീസ്‌ ഉദ്യോഗസ്‌ഥരുടെയും വോളന്റീയേഴ്‌സിന്റെയും നിർദേശങ്ങൾ തീർത്ഥാടകർ കർശനമായി പാലിക്കണമെന്നും വികാരി ജനറല്‍ അഭ്യർത്ഥിച്ചു. തീർത്ഥാടന നാളുകളിൽ ബോണക്കാട്‌ പരിശുദ്ധ അമലോത്‌ഭവ ദേവാലയം കേന്ദ്രീകരിച്ച്‌ തീർത്ഥാടകർ പ്രാർത്ഥന നടത്തണമെന്നും അദേഹം പറഞ്ഞു.