ഫാ. വില്യം നെല്ലിക്കൽ

റോം: ജപ്പാനില്‍ മുന്‍പൊരിക്കലുമുണ്ടായിട്ടില്ലാത്ത വിധം ഉണ്ടായ പേമാരിയിലും കൊടുംങ്കാറ്റിലും അനുശോചനവും വ്യസനവും അറിയിച്ച് ഫ്രാൻസിസ് പാപ്പാ. നൂറിl അധികം മരണം സ്‌ഥിതീകരിച്ചു. അനേകം പേരെ കാണാനില്ല.

ഫ്രാന്‍സിസ് പാപ്പാ അനുശോചനവും ദുഃഖവും ജൂലൈ 9-Ɔο തിയതി, ടെലിഗ്രാം സന്ദേശത്തിലൂടെയാണ് ജപ്പാനിലെ ജനങ്ങളെ അറിയിച്ചത്.

മരണമടഞ്ഞവരുടെ കുടുംബാംഗങ്ങളെ അനുശോചനം അറിയിക്കുന്നതായും ആശ്വസിപ്പിക്കുന്നതായും, മുറിപ്പെട്ടവര്‍ക്കുവേണ്ടി പ്രാര്‍ത്ഥിക്കുന്നതായും വത്തിക്കാന്‍ സ്റ്റേറ്റ് സെക്രട്ടേറിയേറ്റുവഴി അയച്ച സന്ദേശത്തിൽ പാപ്പാ അറിയിച്ചു.

ദുരന്തത്തില്‍ പെട്ടവരെ സഹായിക്കുന്ന സര്‍ക്കാര്‍ സംവിധാനങ്ങളിലെ ഉദ്യോഗസ്ഥരെയും, മറ്റു സന്നദ്ധസേവരെയും പാപ്പാ അഭിനന്ദിക്കുകയും അവർക്ക് പ്രാര്‍ത്ഥന നേരുകയും ചെയ്തു.

ജൂലൈ 7, 8 (ശനി, ഞായര്‍) ദിവസങ്ങളിലുണ്ടായ പേമാരിയിൽ ജപ്പാന്‍റെ തെക്കു-പടിഞ്ഞാറന്‍ പ്രവിശ്യയാണ് വെള്ളപ്പൊക്കത്തിലും പേമാരിയിലും ക്ലേശിക്കുന്നത്. നദീതീരങ്ങള്‍ നിറഞ്ഞുകവിഞ്ഞൊഴുകുകയും, മലമ്പ്രദേശങ്ങളില്‍ ഉരുള്‍പൊട്ടലും മണ്ണൊലിപ്പും ഉണ്ടായതിനെ തുടര്‍ന്ന് പതിനായിരങ്ങളാണ് മാറ്റി പാര്‍പ്പിക്കപ്പെട്ടിട്ടുള്ളതും.

ജപ്പാന്‍റെ ചരിത്രത്തില്‍ ആദ്യമാണ് ഇത്രയും ശക്തമായ പോമാരിയും കൊടുങ്കാറ്റുമെന്ന് ഔദ്യോഗിക വൃത്തങ്ങള്‍ അറിയിച്ചു.