സ്വന്തം ലേഖകൻ

നെയ്യാറ്റിൻകര: ക്രൈസ്തവ വിശ്വാസത്തിന്റെ ജീവൽ ഘടകമായ കുമ്പസാരമെന്ന പവിത്രമായ കൂദാശ നിരോധിക്കണമെന്ന ദേശീയ വനിതാ കമ്മീഷന്റെ ശുപാർശ, അവർ ആ സ്ഥാനത്തിന് യോഗ്യതയല്ലെന്ന് വ്യക്തമാക്കിക്കഴിഞ്ഞു.  ക്രൈസ്തവ വിശ്വാസത്തെ അവഹേളിച്ച രേഖാശർമ്മ രാജിവെയ്ക്കണമെന്ന് നെയ്യാറ്റിൻകര രൂപത എൽ.സി.വൈ.എം. ആവശ്യപ്പെട്ടു.

കമ്മിഷന്റെ നിരുത്തരവാദപരമായ പ്രസ്താവന വർഗീയത വളർത്തി, കേരളത്തിൽ വിഭാഗീയതയുണ്ടാക്കി, സഭയെ തകർക്കുക എന്നതാണ്. ഭരണഘടന ഓരോ പൗരനും നൽകുന്ന മത സ്വാതന്ത്രവും, വിശ്വാസ അനുഷ്ഠാന സ്വാതന്ത്രവും നശിപ്പിക്കാനുള്ള ഗൂഡാലോചനയുടെ ഭാഗമാണ് ഈ പ്രസ്താവനയെന്നതിൽ സംശയമില്ലെന്ന് എൽ.സി.വൈ.എം.

നെയ്യാറ്റിൻകര രൂപത പ്രസിഡന്റ് ശ്രീ.അരുൺ തോമസ് അധ്യക്ഷത വഹിച്ച പ്രതിക്ഷേധ യോഗത്തിൽ, ഡയറക്ടർ ഫാ. ബിനു ടി. യും, മറ്റുരൂപതാ ഭാരവാഹികളും സംസാരിച്ചു.

വിശ്വാസത്തെ അപമാനകരമായി ചിത്രീകരിച്ച ദേശീയ അധ്യക്ഷ മാപ്പ് പറഞ്ഞ് തൽസ്ഥാനം രാജിവെയ്ക്കണമെന്ന് തന്നെയാണ് യുവതീയുവാക്കളുടെ ആഗ്രഹവും അഭിപ്രായവുമെന്ന് എൽ.സി.വൈഎം. പ്രതിനിധികൾ പറഞ്ഞു.