സ്വന്തം ലേഖകൻ
തലയോലപ്പറമ്പ്: ഇന്ധന വിലവര്ധനയ്ക്കെതിരെ വ്യത്യസ്തവും പ്രായോഗികവുമായ ഒരു പ്രതികരണവുമായി തലയോലപ്പറമ്പ് സെന്റ് ജോർജ് പള്ളി വികാരി ഫാ.ജോൺ പുതുവ. സൈക്കിൾ സ്വന്തമായി വാങ്ങി, ഇന്നലെ (9/9/18) മുതൽ യാത്രയ്ക്കായി സൈക്കിൾ ഉപയോഗിച്ചുകൊണ്ടാണ് ഫാ.ജോൺ മാതൃകയായത്.
ഇത്തരത്തിലുള്ള ഇന്ധന വില വർദ്ധനവ്, സാധാരണക്കാരന്റെ ജീവിത ബജറ്റിന്റെ താളം തെറ്റിക്കും മെന്നതിൽ സംശയമില്ലെന്ന് അച്ചൻ പറയുന്നു. ഇങ്ങനെ പോയാൽ ഇന്ധനവില സെഞ്ചുറി അടിക്കും. അതുകൊണ്ട്, ഇപ്പോഴേ വേറിട്ട് ചിന്തിച്ചു തുടങ്ങിയാൽ നമുക്ക് പിടിച്ചു നിൽക്കാനാകും ഫാ. ജോൺ പുതുവ പറഞ്ഞു.
ഫാ. ജോൺ പുതുവ പറയുന്ന സൈക്കിൾ യാത്രയുടെ നേട്ടങ്ങൾ
1) ഫാമിലി ബജറ്റ് ചോർച്ച ഒഴിവാക്കാം
2) പാരിസ്ഥിതിക സൗഹൃദ സന്ദേശം പ്രചരിപ്പിക്കാം
3) വാഹനങ്ങൾ പുറംതള്ളുന്ന വിഷവാതകങ്ങളിൽ നിന്ന് നമ്മുടെ പരിസ്ഥിതിയെ രക്ഷിക്കാം
4) വർധിച്ചു വരുന്ന ജീവിതശൈലി രോഗങ്ങൾ കുറയ്ക്കാം
ലോകത്ത് ഏറ്റവും കൂടുതൽ സൈക്കിൾ യാത്രികരുള്ളത് നെതർ ലാൻഡ്സാണ്. ഹൃദയ രോഗങ്ങൾ ഏറ്റവും കുറവുള്ള രാജ്യവും നെതർ ലാൻഡാണെന്ന് ഫാ. ജോൺ ഓർമ്മിപ്പിക്കുന്നു.
സൈക്കിൾ യാത്ര പ്രചരിപ്പിക്കുവാൻ ഫാ. ജോൺ പുതുവയുടെ ഉദ്യമങ്ങൾ
1) തലയോലപ്പറമ്പ് ഇടവകയിൽ സൈക്കിൾ ക്ലബ്ബ് രൂപീകരിച്ചു
2) സ്കൂളുകളിലും, കോളേജുകളിലും അടുത്തുള്ള ഓഫീസുകളിലും, ദേവാലയത്തിലും സൈക്കിളിൽ വരുന്ന ഒരു തലമുറ രൂപപ്പെടുത്തുക ലക്ഷ്യം.
3) ചെലവ് കുറയ്ക്കാനും, പ്രതിദിനം വിലവർധിപ്പിക്കുന്ന ഇന്ധന കമ്പനികൾക്കെതിരെ പ്രതികരിക്കാനും പരിസ്ഥിതി സൗഹാർദ്ദ കേരളം കെട്ടിപ്പടുക്കാനും എല്ലാ സ്ഥലങ്ങളിലും സൈക്കിൾ യാത്ര പ്രോത്സാഹിപ്പിക്കപ്പെടണമെന്ന കാഴ്ചപ്പാടിലാണ് ഫാ. ജോൺ.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.