ഷിബു തോമസ്

കട്ടയ്ക്കോട്: കട്ടയ്ക്കോട് ഫെറോന ദൈവവിളി കമ്മിഷന്റെ നേതൃത്വത്തിൽ സെപ്റ്റംബർ മാസത്തെ ജീസ്സസ് ഫ്രണ്ട്സ് സെമിനാർ 13-ന് കൊല്ലോട് വച്ച് നടന്നു. രാവിലെ 10 മണിക്ക് കൊല്ലോട് ഇടവക വികാരി ഫാ. അജി അലോഷ്യസ് സെമിനാർ ഉദ്ഘാടനം ചെയ്തു.

തുടർന്ന്, ശ്രീ. അനീഷ് കണ്ണറവിള, കുമാരി രേഷ്മ മുള്ളുവിള എന്നിവർ യു.പി., എച്ച്.എസ്. വിഭാഗങ്ങളിലായി ക്ലാസുകൾ കൈകാര്യം ചെയ്തു. “ജീവിതം വിജയത്തിന്റെ പാതയിൽ” എന്ന വിഷയത്തെ ആസ്പദമാക്കിയായിരുന്നു ക്ലാസ്സുകൾ ക്രമീകരിച്ചത്.

വിവിധ ഇടവകളിൽ നിന്നുമായി 117 കുട്ടികൾ സെമിനാറിൽ പങ്കെടുത്തു. സെമിനാറിന് എല്ലാവിധ സഹായ സഹകരണങ്ങളും നല്കിയ ഇടവക വികാരി ഫാ.അജി അലോഷ്യസ്, എക്സിക്യൂട്ടീവ് സെക്രട്ടറി ഫാ.രാജേഷ് കുറിച്ചിയിൽ, ശ്രീമതി ലിനു, സിസ്റ്റർ ജിസി, കുമാരി നീതു കൊല്ലോട്, ശ്രീ.അലക്സ് എന്നിവർക്കും കൊല്ലോട് ഇടവക സമൂഹത്തിനും സെമിനാറിന്റെ സമാപനത്തിൽ ആനിമേറ്റർ ഷിബു തോമസ് നന്ദി അറിയിച്ചു.