സ്വന്തം ലേഖകൻ

ബാലെസോർ: ബാലെസോറിലെ ബിഷപ്പ് സൈമൺ കൈപ്പുറം CM ന്റെ സംസ്‌ക്കാര ശുശ്രൂഷകൾ 24 ബുധനാഴ്ച്ച ബാലെസോർ കത്തീഡ്രൽ ദേവാലയത്തിൽവച്ച് വൈകുന്നേരം 03.00 മണിക്ക് നടക്കും. ബിഷപ്പ് സൈമൺ 22-ന് രാവിലെ പെട്ടെന്നുണ്ടായ ഹൃദയാഘാതം മൂലമാണ് അന്തരിച്ചത്. അതിവേഗം ബാലെസോറിലെ ജ്യോതി ഹോസ്പിറ്റലിൽ എത്തിച്ചുവെങ്കിലും അതിരാവിലെ 01.45-ന് മരണം സംഭവിച്ചു.

1954, ഫെബ്രുവരിയിൽ കേരളത്തിലെ തണ്ണീർമുക്കത്ത് ജനനം. വിൻസെൻഷ്യൻസ് എന്നറിയപ്പെടുന്ന കോൺഗ്രിഗേഷൻ ഓഫ് ദി മിഷൻ സഭാഅംഗമാണ്. 2013 ഡിസംബറിൽ ഫ്രാൻസിസ് പാപ്പയാണ് അദ്ദേഹത്തെ ബാലെസോർ രൂപതയുടെ ബിഷപ്പായി നിയമിച്ചത്.