സ്വന്തം ലേഖകൻ

നെയ്യാറ്റിൻകര: നെയ്യാറ്റിൻകര രൂപതയ്ക്ക് ഒരു പുതിയ വൈദീകനെകൂടി ലഭിച്ചു. ഏപ്രിൽ 27 ശനിയാഴ്ച്ച തേവൻപാറ ഫാത്തിമ മാതാ ദേവാലയത്തിൽ വച്ച് അഭിവന്ദ്യ വിൻസെന്റ് സാമുവൽ പിതാവിൽ നിന്നും വൈദീകപട്ടം സ്വീകരിച്ചു.

തേവൻപാറ ഫാത്തിമ മാതാഇടവകയുടെ ഉപഇടവകയായ മണ്ണൂർക്കോണം തിരുകുടുംബ ദേവാലയത്തിൽ ശ്രീ.അലക്സാണ്ടർ-ശ്രീമതി ശ്യാമള ദമ്പതികളുടെ മകനായി 1989 ഒക്ടോബർ മാസം 31-ന് അജു അലക്സ് ജനിച്ചു. സുനു അലക്സ് സഹോദരിയാണ്. പ്രാഥമിക പഠനം ഇടനില ഗവൺമെന്റ് യു.പി. സ്കൂളിൽ പൂർത്തിയാക്കി.

2006 ജൂൺ 4-ന് നെയ്യാറ്റിൻകര രൂപതയിലെ വിശുദ്ധ ഫ്രാൻസിസ് സേവ്യർ മൈനർ സെമിനാരിയിൽ വൈദിക പരിശീലനം ആരംഭിച്ചു. തുടർന്ന് 2012-’14 കാലഘട്ടത്തിൽ തത്വശാസ്ത്രപഠനവും 2016-’19 കാലഘട്ടത്തിൽ ദൈവശാസ്ത്രപഠനവും ആലുവയിലെ കർമ്മലഗിരി സെന്റ് ജോസഫ് പൊന്തിഫിക്കൽ മേജർ സെമിനാരിയിൽ പൂർത്തിയാക്കി.

2018 ഏപ്രിൽ 22-ന് അഭിവന്ദ്യ വിൻസെന്റ് സാമുവൽ പിതാവിൽ നിന്ന് ശുശ്രൂഷാപട്ടം സ്വീകരിച്ചു. തുടർന്ന്, ഓലത്താന്നി തിരുഹൃദയ ദേവാലയത്തിൽ ശുശ്രൂഷ ചെയ്തു.