ബാലരാമപുരം: കമുകിൻകോട്‌ വിശുദ്ധ അന്തോണീസ്‌ ദേവാലയത്തിലെ തീർത്ഥാടന തിരുനാളിന്‌ നാളെ സമാപനമാവും.

ഇന്ന്‌ വൈകിട്ട്‌ ആരംഭിച്ച ഭക്‌തി നിർഭരമായ ചപ്രപ്രദക്ഷണത്തിൽ നൂറുകണക്കിന്‌ വിശ്വാസികൾ പങ്കെടുക്കുന്നു. വൈകിട്ട്‌ 4- ന്‌ ഇടവക വികാരി ഫാ. വത്സലൻ ജോസ്‌ ചപ്രങ്ങൾ ആശീർവദിച്ചതോടെ പ്രദക്ഷിണം ആരംഭിച്ചു.

വിശുദ്ധ കുരിശ്‌, തിരുഹൃദയം, വാഴ്‌ത്തപ്പെട്ട ദേവസഹായം പിളള, വിശുദ്ധ സെബസ്‌ത്യാനോസ്‌, വിശുദ്ധ അന്തോണിയോസ്‌, പരിശുദ്ധ ദേവമാതാവ്‌ തുടങ്ങി 5 ചപ്രങ്ങളാണ്‌ പ്രദക്ഷിണത്തിൽ പങ്കെടുക്കുന്നത്‌.

നാളെ രാവിലെ 8 മണിയോടെ പ്രദക്ഷിണം പളളിയങ്കണത്തിൽ തിരിച്ചെത്തും. രാവിലെ 9.30-ന്‌ നെടുമങ്ങാട്‌ റീജിയന്‍ കോ ഓഡിനേറ്റർ മോൺ. റൂഫസ്‌ പയസ്‌ലിന്റെ മുഖ്യ കാർമ്മികത്വത്തിൽ സമൂഹ ദിവ്യബലി. വചന സന്ദേശം ഡോ. ഗ്രിഗറി ആർ ബി നിർവ്വഹിക്കും.