ഫാ. വില്യം നെല്ലിക്കൽ
റോം: മനുഷ്യക്കടത്തിനെതിരെ പോരാടുവാൻ
സഭയും സമൂഹവും ചേർന്ന് രൂപീകൃതമായ കണ്ണിയാണ് സാന്താ മാർത്താ ഗ്രൂപ്പെന്ന് ഐക്യരാഷ്ട്ര സംഘടയുടെ ന്യൂയോർക്ക് ആസ്ഥാനത്തെ വത്തിക്കാന്റെ സ്ഥാനപതി, ആർച്ചുബിഷപ്പ് ബെർണർദീത്തോ ഔസാ. മെയ് 28-ന് യു.എന്നിൽ വിളിച്ചുകൂട്ടിയ രാഷ്ട്രങ്ങളുടെ സംഗമത്തിൽ രാഷ്ട്ര പ്രതിനിധികൾക്ക് ‘സാന്താ മാർത്താ ഗ്രൂപ്പി’നെ പരിചയപ്പെടുത്തവെയാണ് ആർച്ചുബിഷപ്പ് ഔസാ വത്തിക്കാന്റെ നിലപാട് വ്യക്തമാക്കിയത്.
മനുഷ്യക്കടത്തെന്ന ഭീതികരമായ കുറ്റകൃത്യത്തിന് കാരണക്കാരായവർക്കെതിരെ നീതി നടപ്പാക്കുന്നതിനും ഇരകളായവരുടെ യാതനകൾ ശമിപ്പിക്കുന്നതിനുമായി 2014 ഏപ്രിലിൽ ഫ്രാൻസിസ് പാപ്പാ തന്റെ വസതിയായ സാന്താ മാർത്തയിൽ വിളിച്ചുകൂട്ടിയ ലോകത്തെ വൻനഗരങ്ങളിലെ ഉന്നതതല പൊലീസ് ഓഫിസന്മാരുടെയും പൗരപ്രമുഖരുടെയും സർക്കാരേതര സംഘടകളുടെയും സന്നദ്ധ കൂട്ടായ്മയാണ് സാന്താ മാർത്താ ഗ്രൂപ്പ് (The Santa Marta Group).
ഇന്നിന്റെ പ്രതിഭാസങ്ങളായ മനുഷ്യക്കടത്ത്, അവയവങ്ങളുടെയും കോശങ്ങളുടെയും കള്ളക്കടത്ത്, കുട്ടികളുടെ ലൈംഗിക പീഡനം, അടിമവേല, വേശ്യാവൃത്തി എന്നിങ്ങനെയുള്ള വളരെ നീചമായ പ്രത്യാഘാതങ്ങളുള്ള സാമൂഹിക സാമ്പത്തിക ഒറ്റപ്പെടുത്തലുകൾ ഇല്ലാതാക്കാൻ രാഷ്ട്രനേതാക്കളുടെ ഫലവത്തും, പ്രായോഗികവും നിരന്തരവും യഥാർത്ഥവുമായ പിന്തുണ ആവശ്യമാണെന്നതാണ് ഫ്രാൻസിസ് പാപ്പായുടെ നിലപാടെന്ന് വത്തിക്കാൻ പ്രതിനിധി സമ്മേളനത്തിൽ വിവരിച്ചു. ഈ വിപത്തുകൾക്കെതിരായ പോരാട്ടത്തിൽ ഒന്നിച്ച് മുന്നേറാമെന്ന പ്രത്യാശ ആർച്ച് ബിഷപ് പ്രകടിപ്പിച്ചു.
ജോസ് മാർട്ടിൻ കാർമ്മൽഗിരി / ആലുവ: ഇന്ത്യയുടെ ഭാഗധേയം നിർണ്ണയിക്കുന്ന ആസന്നമായ പൊതു തെരഞ്ഞെടുപ്പിൽ ഭരണഘടന ഉറപ്പുനല്കുന്ന നീതി, സമത്വം,…
പെസഹാകാലം നാലാം ഞായർ നല്ലിടയൻ: യേശുവിന്റെ ആത്മവിശേഷണങ്ങളിൽ ഏറ്റവും സുന്ദരമായത്. തീർത്തും ശാലീനമാണ് ഈ വിശേഷണം. ഒപ്പം ശക്തവും. ചെന്നായ്ക്കളുടെ…
പെസഹാക്കാലം മൂന്നാം ഞായർ സങ്കീർണ്ണമായ അവസ്ഥയിലൂടെയാണ് ശിഷ്യന്മാർ കടന്നുപോകുന്നത്. ഭയവും സംശയവും ആണ് അകത്തും പുറത്തും. ഇതാ, ഉത്ഥിതൻ അവരുടെയിടയിൽ…
പെസഹാക്കാലം രണ്ടാം ഞായർ യോഹന്നാൻ മാത്രമാണ് യഹൂദരെ ഭയന്ന് കതകടച്ചിരിക്കുന്ന ശിഷ്യരെ കുറിച്ചു പറയുന്നത്. അടക്കുക എന്നതിന് ക്ലേയിയോ (κλείω…
ഉത്ഥാന ഞായർ ഒരു പരക്കംപാച്ചിലിന്റെ പശ്ചാത്തലത്തിലാണ് സുവിശേഷങ്ങൾ ക്രിസ്തുവിന്റെ ഉത്ഥാനത്തെ ചിത്രീകരിക്കുന്നത്. മഗ്ദലേന മറിയം ശിമയോന്റെ അടുത്തേക്ക് ഓടുന്നു. ശിമയോനും…
ജോസ് മാർട്ടിൻ ആലപ്പുഴ: ആലപ്പുഴ നഗരത്തിലെ റോമൻ കത്തോലിക്കാ, സിറോമലബാർ, മലങ്കര റീത്തുകൾ സംയുക്തമായി ഓശാന ഞായറാഴ്ച്ച നടത്തിയ കുരിശിന്റെ…
This website uses cookies.